شەفەق نیوز/ گورز ئۆکرانی نوویگ لەبان ناوچەی بیلگورود رووسیا لە کەنار ئۆکرانیا، ئمڕوو شەممە، بویە هوکار کوشیان دوو کەس لەلای کەمەو و زەخمداری دوو کەسیش.
فیتچیسلاڤ گلادکۆڤ وەرپرس ناوچەگە لە بەیاننامەیگ لەبان تلیگرام وت: دوو ژن وە گورزیگ ئۆکرانیا لەبان دوو ئاوای کوشیان.
ئەو دوو ئاوایە کەفنە نزیک شار شیبیکینۆ ک ٤٠ هەزار کەس هاناوی، ک هەمیشە کەفێدە وەر گورزەیل فرەیگ، ک هیشت سەدان لە دانیشتگەیلی لەی هەفتە وەرەو شار بیلگورود بوان.
گلادکۆڤ وتیش؛ لە شەوەکیەو ئاوایەیل ناوچەی شیبیکینۆ کەفتنەسە وەر گورز سوپای ئۆکرانیا.
دویەکە جمعە، ئەو وەرپرس ناوخوەییە باس کوشیان ٥ کەس کرد لەو گورزە ک رەسیە ناوچەی بیلگورود.