شەفەق نیوز/ دەسەی کەشناسی عراق، ئمڕوو یەکشەممە، مەزەنەی کەشوهەوای ئی هەفتە راگەیان، و باس واران و داوەزین گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممڵ، رووشنە تا نیمچە ئەوریگ لە گشت ناوچەیل وڵاتەگە، و پلەی گەرمی لە بەشەیل ناوڕاس و باکوور کەمیگ لە رووژ وەرجە خوەی نزمترە، و لە ناوچەی باشوور نزیک رووژ وەرجە خوەیە.
وتیش: پلەی گەرمی لە ٤ج پلەی سەدی رەد کەێد لە پارێزگایل: دیالە، کەربەلا، بابل، واست، نەجەف، قادسیە، میسان، زیقار، موسەنا، بەسرە.
وتیش: رووژ سێشەممە، رووشنە تا نیمچە ئەوریگ وەگەرد دەرفەت نمە وارانیگ لە ناوچەی ناوڕاس، و لە ناوچەی باکوور و باشوور رووشنە تا نیمچە ئەوریگ، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە ناوچەی باشوور نزیک رووژ وەرجە خوەیە.
دیاری کرد ک رووژ چوارشەممە، رووشنە وەگەرد لەکە ئەوریگ لە ناوچەی ناوڕاس و باشوور، و لە ناوچەی باکوور رووشنە تا نیمچە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای رووژ پەنجشەممەی ئایندە، لە گشت ناوچەیل ناوڕاس رووشنە تا نیمچە ئەوریگ، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ بەرزەو بوود.