شەفەق نیوز/ ١٤ کەس گیانیان لەدەسدان و پەنج کەسیش بیسەروشوین بوین لە ئەنجام خورمیان خوەڵ و داوەزیان زەوی لە ناوچەی سیچوان لە باشوور خوەرئاوای وڵات چین، ئمڕوو یەکشەممە.
حکومەت ناوچەگە لە بەیاننامەیگ لەبان ئەنتەرنێت وت: ئەو داوەزیان زەویە لە لویتکەی کویە بوی لە ساعەت ٦ شەوەکی، لە دارسانەیل نزیک شار لیشان.
بەیاننامەگە وتیش: تا ساعەت ٣ و نیم دویای نیمەڕو تەرم ١٤ قوربانی دەرکریا، و هیمان پەنج کەس بیسەروشوینە.
دەسەڵاتەیل زیاتر لە ١٨٠ ئەندام فریاکەفتن و ١٢ ئامێر کل کردن ئەرا رزگارکردن.
بەیاننامەگە وتیش: کارەیل مینەکردن و رزگارکردن وەشیوەیگ کوتپڕ جیوەجی کریەێد.