شەفەق نیوز/ فەرماندەیی پولیس فیدڕاڵ، ئمڕوو سێشەممە، دەسناین وەبان فڕۆکەیگ بیفڕۆکەوان و چەک و عەتاد لەناو ئۆپراسیۆن وەشکین فراوانیگ لە بەغداد پایتەخت راگەیان.
فەرماندەییەگە لە بەیاننامەیگ رەسیە ئاژانس شەفەق نیوز وت: لە تەقەلای ئەمنی وەردەوام مەفرەزەیلمان ئەرا گیرهاوردن چەک وەدەس دەوڵەت، و زاڵکردن دەسەڵات یاسا و مقیەتیکردن بیوەیی هاووڵاتیەیل و مقیەتیکردن ئاسایش ناوچەیل، هیزیگ لە لیوای شەشەم فیرقەی دویەم پولیس فیدڕاڵی وەشکین فراوانیگ وەمینەی چەم بیمووڵەت لە ناوچەی حەی جهاد جیوەجی کرد، رەسیە دەسناین وەبان فڕۆکەیگ بیفڕۆکەوان و چەک و عەتاد ک دوو تفەنگ کلاشینکۆف و دوو دەوانچە و ٧٦ مەخزەن گولە، ٦ دویربین لەناویان بوی.
وتی: ئەو چشتەیلە لەلیان سەنیا، و وەشیوەیگ یاسایی وەگەردیان رەفتار کریا.