شەفەق نیوز/ هیزەیل ئەمنی عراقی، ئمڕوو جومعە، راگەیان وەناوبانگترین گەورەی چەتەیل لە پارێزگای میسان دەسگیرکردنە، لەدویای کوڵەی قایمیگ وەگەرد ئۆپراسیۆن جیاوازیگ.
سەرچەوەیگ ئەمنی وە ئاژانس شەفەق نیوز خەوەردا، " هیزەیل سەربازی گەپیگ سەر وە فەرماندەیی ئۆپراسیۆنەیل پارێزگای میسان، لە ئۆپراسیۆنیگ جویری شەوەکی ئمڕوو داواکریاگ( سەید جەعفەر) کۆمەڵەگەی دەسگیرکریا".
سەرچەوەگە وتیش، " لە کۆتا ئۆپراسیۆن لە دویای کوشتنەیل وەرین ک نەتوەنریا دەسگیربکریەد وە توومەت وەناوبانگترین سەرکردەی چەتەیل لە میسان، هەمیش بکوش وە کراگیریاگە شمارەیگ کارەیل تاڵانکردن ئەنجامدایە.".
لەلایگتر، سەرچەوەیگ ئەمنی لە پارێزگای زیقار، ئمڕوو جومعە،خەوەردا لە توومارکردن تاسیان دوو مناڵ ک بران لە باشوور شار ناسڕیە.
سەرچەوەگە وە ئاژانسەگەمان خەوەردا،" دەزگایەیل ئەمنی توەنستنە تەرم دوو براگە درارن لەناو چەم فورات لە ناحیەی فەزیلە باشوور شار ناسڕیە، وتیش" قوربانیەیل تەمەنیان 13 ساڵان و 10 ساڵانە".
سەرچەوەگە ئاشکەراکرد" دوو مناڵەگە لەناو چەم فورات مەلەکردنە، و هەردگ تەرمەگە ئەرا تەواوکردن رێکارەیل یاساییان کلکریانەس پزیشک دادوەری".