بەرپرسێكی حكومەتی هەرێمی كوردستان ئاماژەی بۆ ئەوەكرد، لەسەر داوای حكومەتی ئێران ئەمساڵ پێشبینی هاتنی نیو ملیۆن زیارەتكاری ئێرانی لەڕێگەی هەرێمی كوردستانەوە بۆ كەربەلا دەكرێت.
عەبدوڵڵا ئاكرەیی بەڕێوەبەری گشتی پەیوەندییەكانی هەرێم و ئێران بە ماڵپەڕی فەرمیی پارتی راگەیاندوە: لە دوایین كۆبونەوەی نێوان شاندی پارێزگای هەولێرو پارێزگای ئورمیە یەكێك لە تەوەرەكان هاتنی زیارەتكارانی ئێرانی بو بۆ كەربەلا، لایەنی ئێرانی پێشبینی كردوە 500 هەزار زیارەتكاری ئێرانی لە رێگەی دەروازەی نێودەوڵەتی حاجی ئومەران و باشماخ سەردانی شاری كەربەلا بكەن، ئەوەش رێكاری خۆی پێویستە، بۆ ئەو مەبەستە پارێزگاری هەولێر لیژنەیەكی پێكهێناوە و ئامادەكارییەكان بۆ پێشوازیكردن لە زیارەتكارانی ئێرانی دەستیپێكردوە.
بەرپرسەكەی هەرێم راشیگەیاندوە: دەست بە ئامادەكارییەكان كراوە لەم هەفتەیەدا سەردانی زیارەتكاران دەستپێدەكات و رۆژ بە رۆژ زیاد دەبێت تا كۆتایی بە پرۆسەی چلەی ماتەمینی ئیمام حسێن دێت.