نێچیرڤان بارزانی سەرۆكی هەرێمی كوردستان بەبۆنەی كۆتاییهاتنی ئەركییەوە وەك كونسوڵی گشتی ئەمریكا لە هەرێمی كوردستان بۆ ماڵئاوایی پێشوازی لە ئیرڤن هیكس جونیەر كرد.
بەگوێرەی راگەیەنراوێك، نێچیرڤان بارزانی سوپاس و پێزانینی هەرێمی كوردستانی بۆ كونسوڵی گشتی ئەمریكا دوپاتكردەوە بۆ ئەو ئەرك و خزمەتەی لە ماوەی كاركردنیدا لە هەرێمی كوردستان پێشكەشی كردوە بۆ برەودان بە پەیوەندییەكانی ئەمریكا لەگەڵ هەرێمی كوردستان، هەروەها هیوای سەركەوتنی لە ئەركی نوێدا بۆ خواست.
لای خۆشیەوە هیكس وێڕای دەربڕینی خۆشحاڵی بۆ ئەو ماوەیەی لە هەرێمی كوردستان كاری كردوە، سوپاسی هاوكاری و پشتگیریی لەئەركەكانی لە ماوەی كاركردنیدا كردوەو هەروەها هیوای سەركەوتن و پێشكەوتنی بۆ گەلی كوردستان خواستوە.