• یەکەم شاشەی OLED لە جیهاندا کە بەDQHD بە پشتگیری زیرەکی دەستکرد کاردەکات، و کاتی وەڵامدانەوەی زۆر خێرای 0.03 میلی چرکە (GtG)هەیە ، ئەمەش کێبڕکێ بە یاریزانان دەبەخشێت
کۆمپانیای سامسۆنگ ئەلیکترۆنیکی پەردەی لەسەر وەشانی جیهانی مۆنیتەری یاری Odyssey OLED G9 (مۆدێلی G95SC) لادا، کە بە تەکنەلۆژیای نەوەی داهاتووی زیرەکی دەستکرد بەرزکراوەتەوە1. بەدوای ئەو سەرکەوتنە گەورەکەی ساڵی ڕابردووی شاشەی Odyssey OLED G8 (G85SB) بەدەستیهێنا؛ شاشە نوێیەکە پەیوەندی بە کۆمەڵەی سامسۆنگەوە دەکات و سەردەمێکی نوێی تەکنەلۆژیای یاریکردنی OLED دەستپێدەکات.
هۆن چون، جێگری سەرۆکی جێبەجێکاری کارەکانی شاشەی بینراو لە کۆمپانیای سامسۆنگ ئەلیکترۆنیکس ڕایگەیاند: "ساڵی ڕابردوو سامسۆنگ بە خستنەبازاڕی ئامێری Odyssey OLED G8 پێداویستی و چاوەڕوانییەکانی یاریزانە بەئەزموونەکانی بەدیهێنا". و ئەمڕۆ لەگەڵ پەردەلادان لەسەر شاشەی Odyssey OLED G9 کە بە کوالێتی وێنەی بێهاوتای بەهێز کراوە، خۆشحاڵین بە پێشکەشکردنی شاشەی بەهێزی یاریکردن بە کڕیارەکانمان و بەرزکردنەوەی ئاستی یاریکردنی OLED” .
بە قەبارەی 49 ئینچ، و چەمانەوەی1800R ؛ شاشەی Odyssey OLED G9 یەکەم شاشەی OLED یە کە ڕوونی (DQHD؛ 5,120 x 1,440) و ڕێژەی ڕووبەری شاشەکەی 32:9 پێشکەش دەکات، کە هاوتایە لەگەڵ پانی دوو شاشەی QHD کە شانبەشانی یەکتر دانراون، ئەمەش ڕێگە بە بەکارهێنەران دەدات ئەزموونی نوقمبوون بکەن بینین لە ناوچەیەکی فراوانی بینین. بەهۆی کاتی وەڵامدانەوەی خێرا کە 0.03 میلی چرکە (GtG) و ڕێژەی نوێبوونەوەی 240 هێرتز، یاریزانان هەستی کێبڕکێیان دەبێت.
هەروەها شاشەی Odyssey OLED G9 بە پڕۆسێسەری Neo Quantum Pro بەهێز کراوە کە ناوازەی دەکات، و لە هەنگاوی زۆر پێشتر لە شاشەکانی تری یاریکردنی OLED دایدەنێت. بە بەکارهێنانی ئەلگۆریتمێکی فێربوونی قووڵ، پرۆسێسەرەکە بە شێوەیەکی زیرەک وێنەکان شی دەکاتەوە بۆ گەڕاندنەوەی هەموو وردەکارییەک، تا سەرسوڕهێنەرترین وێنە پیشان بدات، پێکسڵ بە پێکسڵ و خۆکارانەی ڕووناکی، کۆنتراستی ڕوونی هەموو ئەو شتانە بەرز دەکاتەوە کە سەیری دەکەیت.
تەکنەلۆژیای AMD FreeSync ™ Premium Pro ئەزموونی یاریکردنی زۆر نەرم لەسەر Odyssey OLED G9 پیشان دەدات. وە بە تەکنەلۆژیای DisplayHDR ™ True Black 400، شاشەکە وردەکارییەکی سەرسوڕهێنەر و ڕەنگێکی زیندوو پیشان دەدات، گرنگ نییە چ یارییەک ئەنجام دەدرێت یان بەکارهێنەر سەیری چ ناوەڕۆکێک دەکات.
شاشەی Odyssey OLED G9 دیزاینێکی تەنک و باریکی هەیە کە لەناو چوارچێوەیەکی کانزایی کەشخە. لە پشتەوەی شاشەکەدا CoreSync هەیە و پشتی شاشە سەرەکیەکە Core Lighting+ ی سەرنجڕاکێش هەیە، کە تەکنەلۆژیای ڕووناکی پێشکەوتوو بەکاردەهێنێت بۆ ئەوەی ڕەنگەکانی سەر شاشەکە بگونجێت، ناوەڕۆکەکە بە ژیان دەگەیەنێت و بەم شێوەیە ئەزموونێکی یاریکردنێکی لەبیرنەکراو. و بڵندگۆی ستێریۆی ناوەکی ئەزموونی دەنگی تەواوکەری ناوەڕۆکەکانی پیشان دراو لەسەر شاشەکە بە دەنگی ڕوون دەدات.
هەڵبژاردنێکی بێهاوتایە، لەسەر شاشەیەکی ڕووناکی ناوازە
شاشەی Odyssey OLED G9 پڕە لە بەرنامەکانی Samsung Gaming Hub2 و تەلەفیزیۆنی زیرەک ، کە دەستڕاگەیشتن بە خزمەتگوزارییەکانی پەخشکردن و یاریکردن و کەیفخۆشی لە یەک شوێندا دابین دەکات. بەکارهێنەران دەتوانن لە دابینکەرانی OTT سەیری بەرنامە دڵخوازەکانیان بکەن، بەبێ ئەوەی پێویستیان بە پەیوەندیکردن بە کۆمپیوتەر یان ئامێری مۆبایلەوە هەبێت3. هەروەها لە سەکۆی Samsung Gaming Hub بەکارهێنەران دەتوانن یارییەکانی هاوبەشە پێشەنگەکانی ناوەڕۆک وەک Xbox Game Pass و NVIDIA GeForce Now بدۆزنەوە و یارییان پێبکەن، بەبێ ئەوەی هیچ دابەزاندنێک یان پێویستی بە بیرگە هەبێت.
تایبەتمەندی Multi View ڕێگە بە بەکارهێنەران دەدات کە سوودی تەواو لە شاشە گەورەکە وەربگرن، بە دابەشکردنی بۆ دوو شاشە و یاریکردن لەسەریان لە هەمان کاتدا، ئەمەش ئەزموونی یاریزانەکان دەوڵەمەندتر دەکات لە چێژوەرگرتن لە فرەکارکردن بە شێوەیەکی ڕێک و پێک و بەبێ پێویستی بە چەندین شاشە.
Odyssey OLED G9 چەندین کارایی و تایبەتمەندی گونجاو پێشکەش دەکات، کە ئەزموونێکی بەرزتر دەدات چ لە ڕووی یاریکردنەوە یان سەیرکردنی ناوەڕۆکەوە. بژاردەی پەیوەندی جۆراوجۆر، لەوانە HDMI 2.1، Micro HDMI 2.1، Display Port 1.4، و Auto Source Switch+، پەیوەندییەکی ناوەندی و ئاست بەرز لە یەک دەرچەی USB دروست دەکەن، بە نەرمی بێ گوێدانە سەرچاوەی ناوەڕۆکەکە. هەروەها ستاندی بەرزی ڕێکخراو (HAS) ڕێگە بە بەکارهێنەران دەدات ژینگەی شاشەی تەواو بۆ یاریکردن یان سەیرکردنی ناوەڕۆک بەدەستبهێنن.
بە مەبەستی دابینکردنی جۆرێکی گشتگیر کە پێداویستییە جۆراوجۆرەکانی بەکارهێنەران دابین بکات؛ هەروەها زنجیرەی Odyssey OLED G9 مۆدێلی G93SC لەخۆدەگرێت کە شانازی بە هەمان کارایی بەهێزی OLED دەکات، هەروەها خزمەت بەو کەسانە دەکات کە خواستەکانیان لە دەرەوەی Gaming Hub یان Smart TV دەدۆزنەوە.
شاشەی Odyssey OLED G9 (G95SC) لە 12ی حوزەیرانی 2023ەوە لەسەر ئاستی جیهانی بەردەست دەبێت و بەرواری ڕاگەیاندنی بەپێی ناوچەکان جیاوازە. شاشەی G93SC لە Q3 2023ەوە لەسەر ئاستی جیهانی بەردەست دەبێت، بۆ زانیاری زیاتر لەسەر شاشەکانی Samsung Odyssey OLED و تەواوی جۆری Odyssey، تکایە سەردانی https://www.samsung.com بکەن.
بۆ ئاهەنگ گێڕان بەبۆنەی خستنەبازاڕی ئەم مۆدێلە نوێیە، لە 22ی حوزەیران، Odyssey Cup لە کەناڵی Samsung Odyssey Twitch بەڕێوەدەچێت، کە 100 یاریزان لە سەرانسەری جیهانەوە بەشداری پاڵەوانێتی Fortinite دەکەن.
ـــــــــــــــــــــــــــــــــــــــــــــــــــــــــــــــــــــــــــــــــــــــ
1 جیاوازی هەیە لە بەرواری خستنەبازاڕ بەپێی ناوچەکان
2 amsung Gaming Hub تەنها لە وڵاتانی هەڵبژێردراودا بەردەستە: بەرازیل، کەنەدا، فەرەنسا، ئەڵمانیا، ئیتاڵیا، کۆریا، ئیسپانیا، ئەمریکا، و بەریتانیا. لە وڵاتانی دیکەی ئەوروپا دەتوانرێت یاریوکان لە بیرگەی هەوریی لە ڕێگەی Samsung Smart Hub دابەزێنن. ڕەنگە بەردەستبوونی خزمەتگوزاری و ناوەڕۆک بەپێی ناوچە و هاوبەشەکان جیاواز بێت.
3هێڵی ئینتەرنێت پێویستە.
(خشتەی تایبەتمەندیەکان)
