شەفەق نیوز/ زانایەیل کاریگەری لاوەکی ترەک ڤایرۆس کۆرۆنا پەیاکردن لەدویای مردن پیاویگ کە تویش بیماری دەگمەنیگ لە مێشکی و هەوکردن ڤایرۆسی هاتیوێد.
پیاویگ تەمەن 67 ساڵان چوود ئەرا بنکەی خەسخانەی سینای کوینز لە وڵاتە یەکگرتگەیل، لەدویای ئەوەگ نیشانەیلیگ تێکچگن خێرا لە دەماخی دەرچێد جویر سەختی ریکردن و لەرزین خوەی نەویست.
لەسەرەتای پزیشکەیل باوەڕ داشتن تویش بیماری لەهویرچگن بویە باوجی وشکنینەیل نەرێنی دەرچی.
لەدویای ئەوەگ دەرکەفت نیشانەیلە لەدویای تویشهاتن وە کۆرۆنا دەرکەفتنە، پزیشکەیل وشکنینکردن ئەرا شمارەیگ لە حالەتە دەماریەیلتر کە پەیوەنی وە بیمارەگە داشتیە.
چەندین توێژینەوە دەریخستنە جەڵتەی مێشک، گرژبوین، گیچەڵ هویرمان و بیماری پارکینسۆن لەو گیچەڵەیلەس کە بیمارەیل دوای تویشهاتن وە ڤایرۆسەگە.
فرەیگ لە لێکۆڵینەوەیل دەریخستنە ئەوپیاوە تویش بیماری پریۆن (یا گەردیلەی پڕۆتینی تویشبوی) دیرێد، وەپای ئەو American Journal of Case Reports بڵاوکریاگە، ئەگەری فرەس هووکارەگەی تویشهاتن وە Covid-19 بویە.
وەپای رووژنامەگە بارودۆخ تەندروسی بیمارەگە وە خێرایی تێکچیە و وەی مدووە مردیە.