هەولێر-KDP.info- مەزڵووم عەبدی زۆر سوپاسی نێچیرڤان بارزانی دەکات بۆ ئەوەی تاقیگەی پزیشکیی بۆ دەستنیشانکردنی ڤایرۆسی کۆرۆنا بۆ رەوانەکردوون و دەڵێت، نێچیرڤان بارزانی زۆر بە خێرایی بە دەنگ داواکارییەکەمانەوە هات.
مەزڵووم عەبدی، فەرماندەی گشتیی هێزەکانی سووریای دیموکرات لە توویتەری خۆی رایگەیاند: "زۆر سوپاسی نێچیرڤان بارزانی، سەرۆکی هەرێمی کوردستان دەکەم، زۆر بە خێرایی بە دەنگ داواکارییەکەمانەوە هات و تاقیگەی پزیشکیی بۆ رەوانەکردین".
فەرماندەی گشتیی هێزەکانی سووریای دیموکرات هەروەها گوتی: "نێچیرڤان بارزانی هەوڵدەدات هاوکاریی زیاترمان بکات لە رووبەڕووبوونەوەی کۆرۆنا".