هەولێر-KDP.info- وەزیری تەندروستی ئاشكرای كرد، لەماوەی 24 كاتژمێری رابردوودا ھیچ حاڵەتێكی تووشبوو بە كۆرۆنا لە ھەرێمی كوردستان تۆمار نەكراوە.
د. سامان بەرزنجی، وەزیری تەندروستی ھەرێمی كوردستان رایگەیاند: "لە ماوەی 24 كاتژمێری رابردوودا ھەزار و 792 پشكنین بۆ ھاووڵاتییان كراوە ھەموویان نێگەتیڤ دەرچوون، خۆشبەختانە لەو ماوەیەدا ھیچ حاڵەتێكی تووشبوو بە كۆرۆنا لە ھەرێمی كوردستان تۆمار نەكراوە".
گوتیشی: "ئەمڕۆش وەرگرتنی تێستەكان بەردەوامە، تۆمار نەكردنی حاڵەت لە 24 كاتژمێر مانای ئەوە نییە كە ڤایرۆسی كۆرۆنا نەماوە و رێكارەكان بشكێنن، ھێشتا لە مەترسی داین و دڵنیانین، بۆیە دەبێ بەردەوام بین لە جێبەجێكردنی رێنماییەكان".
وەزیری تەندروستی ئاماژەی بەوەشدا: "لەگەڵ ئەوەداین كە ژیان و گوزەرانی خەڵك رێكبخرێت، بەڵام رای ئێمە وایە نابێ قەدەغەی ھاتووچۆ بە یەكجاری ھەڵبگیرێت".