مۆدێلە نوێیەکان بریتین لە Odyssey OLED G8 و Odyssey OLED G6 و Odyssey OLED G9ى نوێکراوە
هەولێر،کوردستان –7ی 1ی 2024 – کۆمپانیای سامسۆنگ ئەلیکترۆنیکس، ئەمڕۆ مۆنیتەری نوێی یاریکردنی Odyssey OLEDی نمایش دەکات بۆ یەکەمجار لە CES® 2024 ، کە گەورەترین ڕووداوی تەکنەلۆژیای جیهانە و خاوەندارێتی و بەرهەمهێنانی دەگەڕێتەوە بۆ کۆمەڵەی تەکنەلۆژیای بەکاربەر (CTA)®، لە لاس ڤێگاس هەفتەی داهاتوو. مۆدێلە نوێیەکانی OLED ئەو کارایی و ڕوونی بینراوانە دەگەیەنن کە یاریزانان لە مۆنیتەرەکانیاندا بەدوایدا دەگەڕێن، و بریتین لە Odyssey OLED G9 (مۆدێلG95SD: Odyssey OLED G8 ,( (مۆدێل: (G80SDو Odyssey OLED G6 )مۆدێل (G60SD: مۆنیتەری Odyssey OLED G9 مۆنیتەرێکی یاریکردنە بە قەبارەی 49 ئینچی چەماوە و زۆر پان و بە ڕوونی DQHD (5,120x1,440) و ڕێژەی 32:9 و تایبەتمەندیەکانی دیکەی نوێکراوە. مۆنیتەری Odyssey OLED G8یەکەم مۆنیتەری یاریکردنی سامسۆنگ OLED بە قەبارەی 32 ئینچ بە ڕوونی 4K UHD و (3,840x2,160)و ڕێژەی 16:9. هەردوو مۆنیتەرەکە ڕێژەی نوێبوونەوەی Hz 240 و کاتی وەڵامدانەوەی GTG 0.03ms یان هەیە . مۆنیتەریOdyssey OLED G6 مۆنیتەرێکی 27" QHD (2,560x1,440) ە کە پشتگیری لە ڕێژەی 16:9 و ڕێژەی نوێبوونەوەی Hz 360 و کاتی وەڵامدانەوەی GTG 0.03ms دەکات.
هون چونگ، جێگری سەرۆکی جێبەجێکاری کارەکانی شاشەکان لە کۆمپانیای سامسۆنگ ئەلیکترۆنیکس،ڕایگەیاند: "لەگەڵ ژانرەکانی یارییەکان، سەکۆکانی یاریکردن هەمەچەشنتر دەبن. مۆنیتەرە نوێیەکانی یاریکردنی OLED Odysseyی سامسۆنگ یاریزانان بەهێز دەکەن بە ژینگەی یاری نوقمکەرتر و تەکنەلۆژیای داهێنەرانە کە ئەزموونی یاریکردنیان تایبەتمەند دەکات — و دابینکردن و تێپەڕاندنی پێداویستییە پەرەسەندووەکانیان."
تەکنەلۆژیاکانی چالاککردنی Delicate Nuance
هەر سێ مۆدێلە نوێیەکە تایبەتمەندی تەکنەلۆژیای OLED Glare-Freeیان هەیە کە کەمترین ڕەنگدانەوەی ڕووناکی دەکات، ئەمەش ئەزموونی بینینێکی بەرزتر بەبێ ئامێری زیادە چالاک دەکات، بۆیە بەکارهێنەران دەتوانن یارییەکان بە ڕووناکی و ڕەنگی بەردەوام لە نزیکەی هەر ژینگەیەکی ڕووناکیدا ئەنجام بدەن.
لەگەڵ VESA DisplayHDR™ True Black 400، مۆنیتەرەکان وردەکاری باوەڕپێنەکراو و ڕەنگی زیندوو دەگەیەنن سەربەخۆ لە یارییەکە یان ناوەڕۆکەکە کە پیشان دەدرێت. لەمەش زیاتر، پشتگیری لە AMD FreeSync™ Premium Pro دەکەن بۆ یاریکردنی HDRی زۆر نەرم.
سێ مۆنیتەرە نوێیەکە پەیوەندییەکی فیزیکی گشتگیریان لەگەڵدایە، لەگەڵ دوو دەرچەی HDMI 2.1 و هابێکی USB و دەرچەی DisplayPort 1.4. هەروەها بەکارهێنەران چێژ لە ئاسوودەیی و ئاسانکاری باشتر وەردەگرن لەگەڵ گونجاوی جێگیرکردنی VESA و هەڵگرێکی بەرزی ڕێکخراو (HAS) کە ڕێگە بە مەیلی و سوڕانەوە و خولانەوە دەدات.
ئەزموونە پەیوەندیدارەکان لە ئیکۆسیستەمێکی تەواودا
ئێستا مۆنیتەرەکانی Odyssey OLED G9 وOdyssey OLED G8 Multi Control فرە کۆنتڕۆڵی پێشکەش دەکەن، کە تایبەتمەندییەکی نوێیە کە پەیوەندی نەرمی ئامێرەکان بۆ ئەزموونێکی ئاسانتر و باشترکراوی فرە ئامێرەکان دابین دەکات. Multi Control ڕێگە بە بەکارهێنەران دەدات بە شێوەیەکی نەرم وێنە و/یان دەق لە نێوان مۆنیتەری سامسۆنگ و ئامێرەکانی تری سامسۆنگدا بگوازنەوە - لەوانەش گالاکسی بووک، تابلێت یان مۆنیتەرەکەیان - بۆ پرۆسەیەکی کارکردنی نەرمتر و کاراتر بە بەکارهێنانی ماوس و کیبۆرد.
جگە لەوەش مۆنیتەرەکانی Odyssey OLED G9 و Odyssey OLED G8 بەرنامەی Samsung SmartThings Hub لەخۆدەگرن. بە built-in hub، بەکارهێنەران دەتوانن پەیوەندی بە ئامێرە جۆراوجۆرەکانی IoT بکەن کە دەگونجێت لەگەڵ Matter و هاوپەیمانی پەیوەندییەکانی ماڵەوە (HCA)، بۆ کۆنترۆڵکردنی ئامێرەکان.
لەکاتی گۆڕینی لە کارەوە بۆ یاریکردن، مۆنیتەرەکانی Odyssey OLED G9 و Odyssey OLED G8 ناوەندی کات بەسەربردنی هەموو شتێکن. بە سەکۆی تەلەفزیۆنی زیرەکی سامسۆنگ و سامسۆنگ Gaming Hub بەهێزکراون، و دەستڕاگەیشتن بە خزمەتگوزارییەکانی پەخش و یاری هەور بەبێ دابەزاندن، یان سنووردارکردنی بیرگە یان پێویستی بە کۆمپیوتەر/کۆنسۆڵ.
دیزاینێکی بریقەدار بۆ ڕووناککردنەوەی هەر شوێنێک
بۆ یەکەمجار سامسۆنگ بژاردەی OLEDی تەخت دەهێنێتە پێکهاتەی Odyssey ، هەروەها ڕێژەی 16:9 بۆ Odyssey OLED G8 و Odyssey OLED G6. مۆدێلە نوێیەکان سوود لە دیزاینی ناوازە و کانزای تەنک لە پێکهاتەی Odyssey OLED وەردەگرن، و Core Lighting+ نوێی لەخۆدەگرن بۆ ئەوەی لەناو ڕوکاری تەنکەکەیدا جێی ببێتەوە.
Core Lighting+ بەکارهێنەران لە ژینگەکانی یاری و کات بەسەربردنەکانیاندا نوقم دەکات بە دەردانی ڕووناکی دەوروبەر لە پشتەوەی مۆنیتەرەکەوە. وە بە بازنەی ڕووناکی چوار هێندە تەنکتر لە مۆدێلی پێشوو (G95SC)، بە شێوەیەکی نەرم لەگەڵ ڕوکاری کانزای 3.9 ملم تەنکدا دەگونجێت. هەروەها هەڵگرێکی نوێی کانزای تەنک هەیە، بە بەکارهێنانی پلێتێکی کانزایی 3 ملم کە هاوئاهەنگی لەگەڵ دیزاینی شاشەکەدا دابین دەکات و شوێن بۆ ئامێرەکانی تر دەکاتەوە.
بە پەردەلادان لەسەر ئەم مۆدێلە نوێیانە، سامسۆنگ زیاتر پێکهاتەی OLED ی خۆی بەهێزتر کردووە و پێگەی پێشەنگی خۆی لە بازاڕی مۆنیتەرەکانی یاریکردندا بەهێزتر کردووە. پێکەوە، داهێنانەکانی Odyssey OLED و پێشکەوتنە بەردەوامەکانی زنجیرەی Odyssey Neo — کە ساڵی ڕابردوو یەکەم مۆنیتەری یاری Dual UHD ی جیهانی بەخۆیەوە بینی لەگەڵ Odyssey Neo G9 ی57 ئینچ — تایبەتمەندی و کارایی پێشکەش دەکەن کە یارمەتیدەر دەبن لە پێناسەکردنی داهاتووی یاریکردن.