کۆمپانیا پێشەنگەکانی ئامێری یاری ڤیدیۆیی بۆ دروستکردنی بەرهەمی مۆڵەتپێدراوی فەرمی تایبەت بۆ Samsung Gaming Hub؛ PDP بۆ یەکەمجار لە مانگی یەکدا بە کۆنتڕۆڵی نوێی Gaming Hub Controller ڕادەگەیەنرێت
هەولێر،کوردستان – 10ی 1ی 2024 – ئەمڕۆ کۆمپانیای سامسۆنگ ئەلیکترۆنیکس وردەکارییەکانی بەرنامەی " دیزاینکراوە بۆ Samsung Gaming Hub"ی ڕاگەیاند کە لە CES® 2024 نمایش دەکرێت. ئامانجی بەرنامەکە کارکردنە لەگەڵ پێشەنگەکان کۆمپانیاکانی یاریکردن بۆ هاندانی نەوەی داهاتووی باشترین بەرهەمە هاوبەشەکان بۆ Samsung Gaming Hub، سەکۆی پەخشی یارییەکانی سامسۆنگ. جگە لەوەش کۆمپانیاکە هاوبەشی خۆی لەگەڵ دابینکەری جوانکاریەکانی یاریکردن PDP (Performance Designed Products LLC) ڕاگەیاند، بۆ هێنانی یەکەم کۆنترۆڵکەری "دیزاینکراوە بۆ Samsung Gaming Hub".
جیهۆ ها، بەرپرسی گروپی هاوبەشی خزمەتگوزاری لە کۆمپانیای سامسۆنگ ئەلیکترۆنیکس، ڕایگەیاند: "سامسۆنگ ڕۆڵی پێویستی جوانکاری لە دەوڵەمەندکردنی ئەزموونەکانی یاریکردندا دەناسێت، و بە بنیاتنانی ئاستی بەرزی گونجانمان، بەرنامەی 'دیزاینکراوە بۆ Samsung Gaming Hub' ئەنجام دەدات کە هاوکاری لەگەڵ هاوبەشە متمانەپێکراوەکان دەکەین بۆ دروستکردنی جوانکاری کە زیاتر ئەزموونی سەرەکی Samsung Gaming Hub بەرز دەکەنەوە".
لە ئەمساڵەوە یاریزانان نیشانەی "دیزاینکراوە بۆ Samsung Gaming Hub" دەبینن، کە دەریدەخات بەرهەمەکە تاقی کراوەتەوە بۆ گونجان و کوالێتی و کارایی و سەلامەتی و ئاسایش لەسەر ئامێرەکانی سامسۆنگ. ئەو جوانکاریانەی ئەم نیشانەیە پیشان دەدەن گەرەنتی باشترین ئەزموونی پەخشی یارییەکان دەکەن لەسەر Samsung Gaming Hub، بەبێ گوێدانە ئەو ئامێرە پشتگیریکراوانەی کە یاریزانانی سامسۆنگ هەڵیدەبژێرن.
ئەمڕۆ هەروەها سامسۆنگ هاوبەشی خۆی لەگەڵ کۆنترۆڵکەری نوێی بێ وایەری PDP ڕاگەیاند کە “Replay Midnight Blue” ە، کە یەکەم بەرهەمی "دیزاینکراوە بۆ Samsung Gaming Hub"ە. کۆنتڕۆڵکەرە نوێیەکە پاترییەکی ناوەکی و بارگاویکەرەوەی لەخۆدەگرێت بۆ ماوەی یاریکردن تا 40 کاتژمێر لە هەر بارگاویکردنەوەیەکدا، پەیوەندییەکی بێ وایەری بلوتوز بە مەودای 30 پێ و دوگمەی سەرەکی Samsung Gaming Hub کە توانای ئەوەی هەیە دەستبەجێ Samsung Gaming Hub بخاتە کار و دوگمەی کۆنترۆڵکردنی دەنگی تەلەفزیۆن کە بەکارهێنانی ئاسانە و لەگەڵ چەندین شتی تر. یاریزانان دەتوانن لە نزیکەوە سەیری “Replay Midnight Blue” بکەن لە کۆشکی سامسۆنگ لە CES. ئێستا کۆنتڕۆڵکەرەکە لە ماڵپەڕی PDP و Amazon.com و BestBuy.com بەردەستە بۆ داواکردنی پێشوەختە.
سامسۆنگ بەردەوامە لە پێدانی بژاردەی زیاتر بە یاریزانان لە چۆنیەتی یاریکردنیان، لەو ئامێرانەی کە بەکاریدەهێنن بۆ پەخشکردنی یارییەکانیان تا فراوانکردنی ئیکۆسیستەمی Samsung Gaming Hub و بەردەوام پێشکەشکردنی بەرهەم و ئەزموونی داهێنەرانە کە یاریزانەکان خواستیانە.
چاوەڕوان بن، سامسۆنگ بەردەوامە لە داهێنان و زیادکردنی هاوبەشی نوێ بۆ ناو ئیکۆسیستەمی "دیزاینکراوە بۆ Samsung Gaming Hub".
بۆ زانیاری زیاتر لەم بەستەرەدا دەتوانن بیدۆزنەوە.
دەربارەی کۆمپانیای سامسۆنگ ئەلیکترۆنیکس – سنووردار
کۆمپانیای سامسۆنگ بە یەکێک لە کۆمپانیا پێشەنگ و ئیلهام بەخشەکان دادەنرێت لە وێنەکردنی ئایندە بە بیرۆکە و تەکنەلۆژیا. و کۆمپانیای سامسۆنگ کار دەکات لە دووبارە داڕشتنەوەی جیهانی ئامێرەکانی تەلەفزیۆن و مۆنیتەرە هۆشمەندەکان و ئەو ئامێرانەی کە دەکرێن بە جەستەی مرۆڤەوە، و تابلێت و ئامێری دیجیتاڵی ناوماڵ و ئامێری چاپ و کەلوپەلی پزیشکی و سیستەمی تۆڕ و بیرگە و سیستەمی LSA و ڕووناکی LED. بۆ بەدەستهێنان و خوێندنەوەی نوێترین هەواڵەکان دەتوانن سەردانی ژووری هەواڵەکان بکەن لەم بەستەرە:news.samsung.com.