شەفەق نیوز/ سەرۆک هەرێم کوردستان نێچیروان بارزانی، ئمڕوو چوارشەممە، داوا لە کەنەدا کرد نوێنەرەیل دبلۆماسی خوەی لە هەرم زیایەوبکەێد و ئەوزەڵ بدرێد وە پەیوەنیەیل ناوەین هەردووگ لا.
راگەیان سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز راگەیان، بارزانی نیمەڕووی ئمڕوو پیشوازیکرد لە خانمە بایلۆز نووی کەنەدا لە عراق کاتی بونکا، وەگەرد وەخێرهاتن کردنی پاڵپشتی خوەی نیشانیدا ئەرا وەجی رەسانن ئەرکەگەی، دووپاتکرد لەوەگ هەرێم کوردستان دووس دیرێدئەوزەڵ وە پەیوەنیەیل وەگەرد کەنەدا و داواکرد ئاست نوێنەرایەتی کەنەدا لە هەرێم کوردستان بەرزەو بکرێد.
بونکا، خوەشحاڵی خوەی نیشاندا وە دەسکردن وە ئەرکەگەی و سەردانکردنی ئەرا هەرێم کوردستان، دووپاتکرد وڵاتەگەی وە گرنگیەو نوڕێدە پەیوەنیەگەی وەگەرد عراق و هەرێم کوردستان، و دیاریکرد وەی مەبەستە کار لەبان بەرزەوکردن ئاست نوێنەرایەتی وڵاتەگەی لە هەرێم کوردستان کەێد.
گرنگی سیستەم فیدڕاڵی و هەڵوژاردن پەرلەمان هەرێم کوردستان و بارودۆخ عراق و هەریم کوردستان و وە شیوەی گشتی تەوەریگ ترەگ بوی لە دیدارەگە.