شەفەق نیوز/ پۆلیس پایتەخت بەریتانیا، ئمڕوو دووشەممە، ماشین فیراری دزیاییگ پەیاکرد کە چوودەو ئەرا رانندەی فورمولا 1 وەرین، نەمساوی گیرهارد بێرگر، لەدویای پێشبڕکێ خەڵات سان مارینوی گەورا لە ساڵ 1995.
بێرگر و هاوڕێ فەڕەنسەیەگەی جان ئەلیزی ماشینە تایوەتەگەیان لەهەمان رووژ مانگئەپرێل ساڵ 1995 لەدەسدان وە مدوو باندیگ دز کە لە نزیک بازنەی ئیمۆلا کارکردنە.
نەمساییەگە ئاشکەرایکرد ماشینە سوورەگەی فێراری تێستارۆسا AF512M لە دەێشت ئەو هۆتێلەی لێی مینێد گوم بویە.
پۆلیس لەندەن پایتەخت لە مانگ ینار دەسکردیە وە لێکۆڵینەوە لەدویای راپۆرتیگ لە کۆمپانیایگ فیراری، کە لەساڵ 2023 هویربینی لەبان ماشینەگە ئەنجامدریایە کە وەلایەن کەسیگ ئەمریکی لە بەریتانیگ سەنریاس، دەرچگە کە دزیاگە.
پۆلیس ئەرا ماوەی 4 رووژ وەدویاچگن ئەرا پێشینەی ماشینەگە کردیە، ئاشکەرابویە دویای ماوەی کەمیگ لە دزیانی لە بێرگر ئەرا ژاپۆن کلکریاس، لە کۆتایی ساڵ 2023 هاوریاس ئەرا بەریتانیا، دویایی پۆلیس دەس وەبانی گردیە تا ریگری لە هەناردەکردنی ئەرا دەێشت وڵات بکرێد.