شەفەق نیوز/ دەسەی کەشناسی عراق، ئمڕوو چوارشەممە، کەشوهەوای وڵاتەگە ئەرا ئی رووژەیل بانانە بڵاو کرد، و باس واران و گرمەهڕ کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو پەنجشەممە، لە ناوچەی ناوڕاس و باکوور نیمچە ئەورە و لە ناوچەی باشوور ئەور تەواوە، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور چەن پلەیگ بەرزەو بوود.
وتیش: رووژ جمعە، لە بەشەیل خوەرئاوای ناوچەی ناوڕاس نیمچە ئەورە وەگەرد نمە وارانیگ، و پلەی گەرمی لە ناوچەی ناوڕاس و باشوور نزیک رووژ وەرجە خوەیە، و لە ناوچەی باشوور کەمیگ نزمەو بوود.
دەسەگە وتیش: رووژ شەممە، لە گشت بەشەیل خوەرھەڵات وڵاتەگە نیمچە ئەورە و جاروباریش ئەور تەواوە، و پلەی گەرمی لە بەشەیل ناوڕاس و باکوور چەن پلەیگ نزمەو بوود، و لە بەش باشوور نزیک رووژ وەرجە خوەیە.
دەسەگە دیاری کرد کە کەشوهەوای وڵاتەگە ئەرا رووژ یەکشەممەی ئایندە لە ناوچەی ناوڕاس و باکوور نیمچە ئەورە تا ئەور تەواوە، و لە ناوچەی باشوور رووشنە وەگەرد لەکە ئەورە، و پلەی گەرمی لە گشت وڵاتەگە نزیک رووژ وەرجە خوەیە.