شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداریبوین سێ کەس لە تەقەکردنیگ کە لە پارێزگای کەرکوک رویدایە.
سەرچەوەگە وە ئاژانس شەفەق نیوز وت، "تەقەکردن لە ناوچەی ساحە تەیران لەناوڕاس کەرکوک رویدایە لەناوەین ئەندامەیل حەشد شەعبی کە خەڵک ناحیەی قەرەتەپەن لە دیالە وەرد ئەندامیگ ئەمنی لە وەزارەت ناوخوەی و فەرمانبەریگ لە ئەنجومەن پارێزگای سەڵاحەدین".
سەرچەوەگە وتیش، "ئەندامیگ لە حەشد وە تەقەکردن لە قول چەپی زەخمداربویە، فەرمانبەر وەزارەت ناوخوەیە تویش کەوەوبوین و زەخمداری بویە لە دەموچەوی هەمیش فەرمانبەر ئەنجومەن پارێزگای سەڵاحەدین زەخمداربویە".
سەرچەوەگە دیاریکرد "زەخمدارەیل ئەرا خەسخانەی کەرکوک کلکریانە تا چارەسەربکرێن و لێکۆڵینەوە لە رویداوەگە وازکریا".