شەفەق نیوز/ سەرچەوەیگ ئەمنی لە کەرکوک، ئمڕوو پەنجشەممە، راگەیان ئەندامیگ پاسەوان سنوور رویوەروی دزی بڕە پویلیگ و دەوانچەگەی بویە لە ناوڕاس پارێزگاگە.

سەرچەوەگە وە ئاژانس شەفەق نیوز خەوەردا "دوو کەس دەسدرویژی کردنەسە بان ئەندامیگ و بڕە پویلیگ لەلی دزینە وە بڕ یەک ملیۆن و 700 هەزار دیناروەرد دەوانچەی تایوەت هەمیش دەموچەوی کەوەو کریاس لە نزیک ماڵ خوەی لە کویچەی ماموسایەیل لەناوڕاس کەرکوک".

سەرچەوەگە دووپاتکرد "وەپای قسەی ئەندامەگە ئەو دوو کەسە ناسێد، و کەس نزیک خوەین، و ئەرا شوین نادیاریگ واینە، دیاریکرد "ئەرا خەسخانە کلکریاس و لێکۆڵینەوە لە رویداوەگە وازکریا".