شەفەق نیوز/ دوو سەرچەوەی ئەمنی، ئمڕوو پەنجشەممە، خەوەردا لە مردن کەسیگ وە وەخوارکەفتن ئاسانسۆر ماڵەگەی لە کەرکوک، لەهەمان وەخت لە دیالە پەلاماریگ چەکداری وەبان ماڵیگ دریاگە لە پارێزگاگە.
سەرچەوەیگ لە کەرکوک وە ئاژانس شەفەق نیوز وت، "کەسیگ گیان لە دەسدا وە بڕیان تەڵ ئاسانسۆر ماڵە تایوەتەگەی کە لە نهۆر سێ ماڵەگەی بویە لە ناوچەی رەحیماوە باکوور کەرکوک".
وتیش؛ "پۆلیس و وەرگیری شارستانی ئامادەی شوین رویداوەگە بوین مەدەنیەگە لەناوڕاس ئاسانسۆرەگە دەرکردن کە لەناو ماڵە نووەگەی بویە و هویچ مەرجیگ تەندروسی شارستانی نەیاشتیە لە دروسکردن ئاسانسۆرەگە".
دووپاتکرد"هێزە ئەمنیەیل تەرمەگە ئەرا پزیشک دادوەری کلکردن و دەسکردنە وە لێکۆڵینەوە ئەرا زانین زانیاریەیل ترەک لە رویداوەگە".
هەمیش سەرچەوەگە لە پارێزگای دیالە وت، ماڵیگ رویوەڕوی پەلاماریگ چەکداری بویە لە ئاوای سەراجق لە باکوور شار بەعقوبە.
سەرچەوەگە وە ئاژانس شەفەق نیوز وت "ماڵ هاوڵاتییگ رویوەڕوی پەلاماریگ چەکداری بویە وە چەک سووک و مامناوەن لە ئاوای سەراجق لە باکوور شار بەعقوبە".
دیاریکرد "رویداوەگە بویە هووکار زەرەد مادی وەبی زەرەر گیانی"وتیش "دزگای ئەمنی رەسیەس ئەرا شوین رویداوەگە و لێکڵینەوە وازکردنە ئەرا رەسین وە تاوانبارەگە".
ئاشکەرایکرد "نیشانەیل سەرەتایی ئەرا پەلامارەگە دەریەێد ناکۆکی کەسیە وەرد هاوڵاتیەگە".