کوڵە چیرووک
رووژیگ لە رووژان پیاییگ وەرد دویەتە بویچکەگەی لەناو دارسان گەپیگ ری کەن، وەبان پیەڵیگ رەد بوین، و رخی چیاد نەک دویەتەگەی بکەفێد.
باوگەگە وە دڵسووزەی وتە دویەتەی: قایم دەسم بگر، تا نەکەفێدە ناو چەم.
دویەتەگە نووڕیە باوگ و وت: نە باوگە، تو دەسم بگرید خاسترە.
باوەگە وە ئەڵاجەوییگ نووڕیە دویەتەی و وت: چ جیاوازییگ هەس ئەگەر ت دەسم بگرێ یا م دەسد بگرم؟.
دویەتەگە وەزوی وت: باوگە، ئەگەر م دەس تو بگرم هاتێ نەتوەنم سفت دەسد بگرم، و هاتێ دەسم لە دەسد سڕ بوەێد و بکەفمە ناو چەم، وەلێ ئەگەر تو دەسم بگرید، زانم کە خاس و قایم دەسم گرید، و قەت دەسم مەرەقەز نیەکەید.