شەفەق نیوز/ سوو شەممە، ساعەت تایبەت گیرفان تەڵایی کە لە سەدەی بیس لە گیرفان یەکیگ لە دەوڵەمەنترین کەسەیل جەهان بویە مەوقەی نوقمبوین لە کەشتیی تایتانیک نمایش کریەێد، وەگەرد مەزنەیل نرخ فرووشتنی رەسێدە 200 هەزار دۆلار، لە وەختیگ بسینەگە دوگمەی شەویەگەی دەوڵەمەنترین سەرنشین کەشتی تایتانیک کەفێدە دەسی.
ساعەتەگە هن جۆن جاکۆب ئەستۆر ئەمریکییە، کە لەبان پیەڵیگ لە کەشتییەگە جگارە کیشیاد و وەگەرد یەکیگ لە برادەرەیلی باس کردیاد هەناێ کارەساتەگە دەسوەپی کرد، شەفەق لە 15ی نیسان 1912 و ئاو زەریای ئەتڵەسی قویتیان دا.
جۆن جاکۆب ئەستۆر چوارەم، یەکیگ لە کوڕەیل بنەماڵەی وەناوبانگ ئەستۆر، داهێنەر، نویسەر زانست خەیاڵی، جەنگاوەر لە جەنگ ئیسپانیا-ئەمریکا و ملیۆنێریگ ناودار بویە، تواستیە وەرد ژنەگەی مادلین، گەشتیگ ئەوروپی ئەنجام بەێد. هەناێ ئەرایان دەرکەفت کە دووگیانە، ئەرا دڵنیابوین لەوە کە مناڵەگە لە ئەمریکا پەیا بوود، کە تکیت ئەرا خوەیان لە کەشتیی تایتانیک سەن، کە ئەستۆر وەرد 1516 کەس ترەک لە بڕ 2224 سەرنشین و تیم کەشتییەگە نوقمیان کرد، ژنەگەی وەگەرد ئەوانەی ترەک لە کارەساتەگە رزگار بوی.
هەناێ کارەساتەگە بوی، ری وە ژنە دووگیانەگەی دان سوار بەلەمیگ ڕزگارکەر بوود، و ئەویش نەتوەنست سوار بەلەمیگ ترەک بوود، دویای 7 رووژ تەرم مردگیگ دین کە لەناو ئاوەگە بوی، قات کەویگ ها وەری، دویای ئەوە وە پیتەیل JJA ناسینەی، کە ناو تەواوی خوەیە.
ئەو ساعەتە کە پیتەیل ناوی لەقەیەو کوتیاس، لەناو دڵنگەیلی پەیا کریا، ساعەتیگ تایبەت گیرفان بوی کە لە تەڵای 14 قیرات دروس کریاس، و میراتییگ بوی وەگەرد سامانەگەی کە 78 ملیۆن دۆلار بوی کە 9 ملیار دۆلار ئیسە کەێد.