شەفەق نیوز/ رووژنامەی بەریتانی، ئمڕوو شەممە، راگەیان یەکیگ لە مەترسیدارترین ژنە بکوشەیل وڵاتەگە ئەرا ناو جادەیل گلەوخواردیە کە لەمانگ ئازارەو ئازادکریاگە.
سارا دەێڤی "دڕندە"تەمەنی تەنیا 14 ساڵان بوی کە داپیری لیلی لیلی (71) ساڵان کوشت، لەدویای ئەوەگ ئەرا ماڵەگەی لە مانجستەر گەورا بانگهێشتی کردبوی ئەرا نووشین چای، کە وەرد هاوڕێ 15 ساڵانەگەی لیزا هێڵی ئازار لیلی دان وەرجە ئەوەگ تەرمەگەی لەناو سەتڵ گناڵخەیل بشارنەو و فڕێبدەنە ناو کەناڵ.
وەرجە ئەوەگ قولی بوڕن شامپۆ وەبانی ڕشانن دویای سارە وە تونی وە کەمامە خنکانی وە جویریگ دگانەیل دەسکردی کەفتە ناو قورگی، دویای سەدان پەیوەنی لەری کڕ زەمینیەگەی کردن پویلەیل خانەنشینیەگەی و چپس پەتاتە و شوکولاتە وەبانی رشانن.
سارە ئیرنگە تەمەنی ها کۆتایی سیەگان، لە ساڵ 1999 ئەرا هەمیشە زیندانیکریا دادوەر وە "تاوان کوشتن دڕندانەی بی وینە" وەسفی کرد لەوەر کەمی تەمەنی بڕیار زیندانیکردن هەمیشەیی ئەرای دەکریا، بەڵام بکوشەگە لە 25 مارس ئازاد کریا لەدویای ئەوەگ بڕیار وەلایەن دەسەی ئازادکردن وە مەرج دەرکریا.
یەیش یەکەم جاری نییە تام ئازادی بکەێد، ئەرا یەکەمین جار لە مارس 2013 ئازادکریا کە تەمەنی 29 ساڵان بوی لە زیندان ژنەیل نزیک یورک ئەرا شوقەیگ لە کرومبسال لە دویلی تەنیا چوار میل لە شوین کوشتنەگە کلکریا.