شەفەق نیوز/ دادگای عراقی، ئمڕوو دووشەمە، سزای زیندانیکردن هەمیشەیی ئەرا توومەتباریگ وە تاوانن پەیوەنی داشتن وەگەرد رێکخریاگ داعش لە سەڵاحەدین و ئەرا دوو بازرگان مادەی هووشبەر دەرکرد.
ناوەن راگەیانن دادگا، لە بەیاننامەیگ رەسیە ئاژانس شەفەق نیوز راگەیان "تیرۆرستەگە سەر وە داعشە، و بەشداریکردی وەگەردیان لە کوشتن هێزەیل ئەمنی لە ناوچەی سوور شناس، مادەی خوەراکی وەپیان رەسانییە لە قەزای دور لە دویای رویداوەگەی حوزیران 2014".
وتیش "سزاگە وە پشت ەسین وە مادەی دوو /1و 3و 5 وە بەڵگەی مادەی چوار /1 لە یاسای دژە تیرۆر شمارە 13 ساڵ 2005، وە بەڵگەیل بڕگە مادەیل 132/ 1 یاسای سزاداین دەرچگە".
هەمیش ناوەن راگەیان دادگا ئاشکەرایکرد "دوو زیندانی دوو کیسە لە مادەی حەشیش و ئەڤیۆن وەپیان گیریایە کە مەبەست بازرگانیکردن وەپی داشتنە لەناو وەکارهاوەرەیل".
ئاشکەرایکرد "سزاگە وە پشت بەسین وە بڕگە مادەی 27/ یەکەم لە یاسای هووشبەر و کاریگەری دەروینیەگان شمارە 50 ساڵ 2017 دەرچگە وە بەڵگەی مادە هاوبەشەیل 47 و48 و49 لە یاسای سزادان".