شەفەق نیوز/ سەرچەوەیگ ئەمنی لە بەغدای پایتەخت عراق، ئمڕوو دووشەممە، خەوەردا ئۆپراسیۆنیگ جیوەجیکردنە دەیان هاوڵاتی وە توومەتەیل جیاواز دەسگیرکریایە کە فرەیگیان بیانین.
سەرچەوەیگ ئەمنی وە ئاژانس شەفەق نیوز وت، هێزە ئەمنیەل ئۆپراسیۆنیگ وشکنین ئەنجامدانە لە ناوچەی مەهدیە لە دەورە، لە ئەنجا 48 داواکریاگوە توومەت جیاواز دەسگیرکریان، دیاریکرد هەمیش 72 کەس خاوەن ناسنامەیل عەرەبی و بیانی دەسگیرکریانە وەلەوەر سەرپیچی یاسای نیشتەجیبوین.
پۆلیس فیدڕالی راگەیان، 6 توومەتبار وەپای مادەیل یاسایی جیاواز لە ئۆپراسیۆنیگ ئەمنی لە بەغداد دەسگیرکردنە.
لە بەیانامەیگ رەسیە ئاژانس شەفەق نیوز ئاشکەرایکرد، تەقەلای ئەمنی لە کەرت راهێنراو پۆلیس فیدڕاڵی وە تەقەلای هەواڵگێری 4 توومەتبار دەسگیرکردن وە مادەیل یاسایی (ساختەکاری، کیشان مادەی هووشبەر) لە ناوچەیل ( (حي الرسالە ، البو عيثە) لە بەغدای پایتەخت و شمارەیگ لەناوچەیل پارێزگای بابل.
لیوای یەکەم دووپاتکرد، یەکەیلیان وە هاوبەشی وەرد مەفرەزەیل هەواڵگێری و ئاژانس ئەمنی و لە چوارچمگ کەرت وەرپرسیەگە وەردەوامن لەمئەنجامدان وشکنین لە ناوچەی (سوێب) لە ئەنجام 2 کەس سەرپیچیکەر یاسای نیشتەجیبوین دەسگیرکردنە، دەسنانە وەبان 4 چەک کلاشینکۆف، دەوانجە، 13 ئەممار تەقەمەنی، 30 گولە، و مادەیل ترەک) توومەتبارەیل وەرد کەرەستەیل گیریایگ وەشیوەی یاسایی دریانە دەس لایەنەیل تایوەت.