شەفەق نیوز/ وەزارەت ناوخوەی عراق، ئمڕوو دووشەممە، راگەیان دەسکردنە وە هەڵمەتیگ راگەیانن فراوانیگ ئەرا سنووردارکدن گەیایی و بازرگانیکردن وە مرۆڤ، دیایکرد هاوکارییگ هەس وەگەرد پۆلیس ناودەوڵەتی "ئێنتەرپول" لە مژار تووڕەیل بازرگانیکردن ناودەوڵەتی.
قسەکەر وەزارەتەگە عەمید موقداد میری لە کۆنگرەیگ رووژنامەوانی کە ئاژانس شەفەق نیوز ئامادەبوی راگەیان، عراق وە هاوبەشی وەگەرد ئینتەرپول بازرگانیکردن وە مرۆۆڤ سنووردارکەێد، شمارەی سزادریاگەیل وەی تاوانە رەسیەس ئەرا 204 کەس" وتیش "شمارەی گەیاکەر دەسگیرکریاگەیل رەسێدە 316 گەیایکەر".
میری دووپاتکرد، "دەسگیریایە وەبان زیاتر لە 1800 توومەتبار وە تاوان گەیایکردن و بازرگانیکردن وە مرۆڤ لە ماوەی پەنج مانگ وەرین، ئاشکەرایکرد " دەڵالی و لەشفروشی بەشیگە لە پرۆسەی بازرگانیکردن وە مرۆڤ".
وتیش، "هێزە ئەمنیەیل لە چوارچمگ پرۆسەی فراوانیگ باندەگە لە یەکیگی لە هۆتێلەیل بتاوین دەسگیرکردنە کە بازرگانی کەن وە مناڵ ئەرا گەیایکردن، هەمیش کەسیگ لە پارێزگای ئەنبار دەسگیرکردن، کە وەنیازبوی کورەگەی وەرانوەر 20 ملیۆن دینار" دووپاتکرد تووڕیگ بازرگانیکردن دەسگیرکردنە کە پەیوەنی ناودەوڵەتی دیرن".