نرخ دۆلار لە بەغدا و هەولێر وەگەرد بەسیان بۆرسەیل

شەفەق نیوز/ نرخ دۆلار ئەمریکی وەرانوەر دینار عراقی،  ئمڕوو سێشەممە، وەگەرد بەسیان  بۆرسەی سەرەکی لە بەغداد پایتەخت داوەزی  و  هەولێر  جیگیربوی.       

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، لە وەخت بەسین 145450 عراقی وەرانوەر 100 دۆلار ئەمریکی توومار کردن. لە شەوەکی ئمڕوو 145550 عراقی وەرانوەر 100 دۆلار بوی.

پەیامنێرمان وتیش؛ نرخ فرووشتن و سەنین لە دوکانەیل ناوخۆیی بەغداد جیگیربوی، نرخ فرووشتن رەسیە 146500 دینار عراقی وەرانوەر 100 دۆلار ئەمریکی،  و نرخ سەنینی رەسیە 144500 دینارعراقی .    

لە هەولێریش وەرگەرد بەسیان بۆرسە نرخ دۆلار  جیگیربوی  و نرخ فرووشتنی رەسیە 145350 دينار وەرانوەر 100 دولار، نرخ فرووشتن 145250 دينار وەرانوەر 100 دولار.