شەفەق نیوز/ سەرچەوەیگ ئەمنی لەپارێزگای نەینەوا، ئمڕوو پەنجشەممە، خەوەردا پۆلیس تاوان کوشتن داڵگ و مناڵەگەی ئاشکەراکدن لە قەزای تەلەعفەر خوەرئاوای موسڵ.
سەرچەوەگە وە ئاژانس شەفەق نیوز وت "تاوان کوشتنیگ لەقەزای تەلەعفەر (خوەرئاوای موسڵ) وەرانوەر وە داڵگ و مناڵەگەی ئەنجامدریاس وە چەقوو".
ئاشکەرایکرد، "دەسوەجی تیمگ کارکردن دروسکریا و دوو توومەتبار ژن وپیاویگ دەسگیرکریان کە لە پشت تاوانەگە بوین"، وتیش "لێدوان توومەتبارەیل توومارکریایە و دان وە تاوانەگەیان دانان".
دیاریکرد لە چوارچمگ دانوەپینانین توومەتبارەیل "مناڵەگە شایەتحال کوشتن داڵگی بویە وەی هووکارە توومەتبارەل مناڵەاگەش کوشنە".
سەرچەوەگە وتیش "توومەتبارەسل خریانەسە وەردەم دادگای عراقی و بڕیار زیندانیکردنیان دەرچگە وەپای مادەی 406 لە یاسای سزادان عراقی".