شەفەق نیوز/ روانگەی ژینگەیی عراق سەوز، ئمڕوو یەکشەممە، وت: ئەو وارانەیلە کە لە سەرەتای وەرز زمسان تا ئیسە لە عراق واریە، هیشت خوەڵوتووز بڕەسێدە خوارترین ئاستی لە ماوەی 10 ساڵ.
عومەر عەبدولەتیف ئەندام روانگەگە لە بەیاننامەیگ وت: ئەو وارانەیلە کە لە عراق واریە و لە ریژەی گشتی بەرزتر بویە، و ئەو لافاوەیلە کە لە وەرز زمسان هاتنە، دەسمیەتی دانادە لە قورتاربوین لەو هشکەساڵیە کە عراق وەماوەی چەن ساڵیگ وەخوەی دیە، و وای خوەڵوتووزیش کەمەو کرد کە لە ساڵەگە نزیکەی 100 رووژ خوەڵوتووز بوی.
دووپات کرد کە ئەو خوەڵوتووزە زەرەدەیل دارایی وە دەیان ملیار دینار رەسانیاد، و داوای گرنگی کارکردن لەبان دروسکردن نواگیری وا و چەسپیان خاک و پشتین سەوز لە لایەنەیل وەرپرس کرد.
جی باسە کە فرەی ناوچە و شارەیل عراق لە ساڵەیل گوزەشتە کەفتنە وەر شەپوولەیل خوەڵوتووز لە ئەنجام هشکەساڵی، و کەمەوبوین شوینە سەوزەیل، کە رووژەیلیگ پەک ژیان خستیاد، بیجگە مردن کەسەیلیگ و تویشهاتن کەسەیلیگ کە بیماری هەناسە دیرن، ئەوەیش وەگورەی ئامارەیل فەرمی لە دەسەڵاتەیل تەندروسی.