شەفەق نیوز/ وەزارەت داد عراقی ئاشکەرایکرد، ئمڕوو چوارشەممە، شمارەی ئەو کەسەیلە یاسای وەخشین تایڤەت گرێدەیانەو لە مناڵ و ژنەیل پەسەن کرێد.
قسەکەر وەزارەت داد ئەحمەد لعێبی وە ئاژانس شەفەق نیوز وت، وەزارەتەگە لیستیگ لە ناو زیندانیەیل سەر وە زیندانەیل خوەی ئامادەکردیە، وتیش شمارەی ئەو کەسەیلە کە وەخشین تایوەت گرێدەیانەو لە مناڵ و ژنەیل رەسێدە نزیکەی 400 زیندانی.
وتیش؛ وەخشین تایبەت ئەو مناڵ و ژنەیلە گرێدەو سێ ساڵ و وەرەوخوار سزادریانە، و ساڵیگ تەواوکردنە یا ساڵیگیان مەنییە لە سزاگەیان.
دیاریکرد توومەتبارەیل وە کوشتن و بازرگانیکردن وە مادەی هووشبەر و ئەندامەیل مرۆڤ و ساختەکاری پویل و ماف کەسی وەخشین نیەگردەیانەو.
دووپاتکرد وەزارەت داد لیست گشت ئەو ناوەیلە وەخشین گردیانەو ئامادەکردیە و تا ئیسە هویچ کتاویگ لە سەرۆکایەتی کۆمار یا سەرۆکایەتی وەزیرەیل لەو باوەتەو نەڕەسیە.