شەفەق نیوز/ ڕوانگەی "عراق سەوز" تایبەت وە کاروبار ژینگە، ئمڕوو پەنجشەممە، مەزەنەکرد تاوسان ئایندەی وڵاتەگە زیاتر مانڕەوە وە بەراورد وە چەن ساڵ گوزەشتە".
ئەندام، عومەر عەبدول لەتیف لە بەیانیگ رەسیە ئاژانس شەفەق نیوز وت؛ لەماوەی چەن ساڵ وەرین عراق وەدەس هشکەساڵی ناڵی وە تایبەت لە باشوور، کە لە ئەنجام بویە مدوو پیس بوین فرەیگ چەم فورات و تویشهاتن وە حالەتەیل ژەهراوی بوین، هەمیش هشکەوبوین رووبەر فراوانیگ لە گۆماوەیل و لەناوچگن زینەوەرەیل ناوی لەوەر بەرزەوبوین پلەی گەرمی.
وتیش، فرەتر لە جاریگ پارێزگایەیل بەسڕە و زیقار و میسان بوینە ئەو شارەیلە کە بەرزترین پلەی گەرمی داشتن لەبان جەهان.
دووپاتکرد، تاوسان ئایندە زیاتر مانڕەوە وە مدوو بەرزەوبوین رێژەی واران وارین لەماوەی وەرز زمسان وەرین و وەهار کە ریخوەشکەر بوی ئەرا داپووشین سەوزایی لە سەرانسەر وڵاتەگە لەدویای تویشهاتن عراق لەماوەی چەن ساڵ وەرینە وە بەرزەوبوین پلەی گەرمی و تونی گەردەلویل خوەڵ لەئەنجام کەمی واران و هشکەوبوین ئاو چەم و بەنداوەیل.