شەفەق نیوز/ سەرچەوەیگ ئەمنی لە پارێزگای بەسرە، ئمڕوو یەکشەمە، خەوەردا لە کوشیان و زەخمداری 6 کەس وە پەلاماریگ چەکدار باکوور پارێزگاگە.
سەرچەوەگە ئەرا ئاژانس شەفەق نیوز وت: کەسەیلیگ نەناسیای تەقە لە چەن کەسیگ کردن، و 5 کەس لەلیان زەخمدار بوین، و کەس شەشەمیان کوشیا، ئەوەیش لەو پەلامارە کە لە ناوچەی گورمەت عەلی بوی لە باکوور بەسرە.
سەرچەوەگە دیاری کرد کە قوربانیەگە کوڕ یەکیگە لە سەرکردەیل عەسائب ئەهل حەق لە بەسرە، و هیزەیل ئەمنی لە شەفەقەو رەسینە شوین رویداوەگە.