شەفەق نیوز/ پۆلیس نەینەوا، ئمڕوو سێشەممە، سێ توومەتبار دەسگیرکرد وە تاوان کوشتن لەدویای چەن ساعەتیگ لە رویدانی لە کویچەی وەحدەت لەلای چەپ موسڵ، لەهەمان وەخت فەرماندەیی پۆلیس بەغداد رەسافە توەنستن توومەتبار تاوان کوشتنەگە و چوار کەس کە پەیوەنی وە تاوانەگە دیرن دەسگیربکەن.
سەرچەوە ئەمنیەگە وە ئاژانس شەفەق نیوز وت، "هێزیگ لە وەڕێوەبەرایەتی پۆلیس نەسڕ 3 توومەتبار دەسگیرکردنە کە توومەتبارن وە کوشتن کەسیگ لە کویچەی وەحدەت کە لە دیر وەخت دویەشەو دووشەممە وە چەقوو کوشیایە".
ئاشکەرایکرد، "قوربانیەگە لە مەرافیگ لە کویچەی وەحدەت کوشیایە وە چەقوو"، وتیش " قوربانیەگە لەدویای ئەوە ئەرا خەسخانەی سەلام لە کویچەی وەحەدەت کلکریاس باوجی لەدویای ماوەی کەمیگ گیان لەدەس دەێد".
دیاریکرد "پۆلیس نەسڕ تیمیگ کارکردن ئەرا چەودێری رویداوەگە پێکهاورد لەدویای چەن ساعەتیگ هەمان شەو یەکیک لە توومەتبارەیل ؟ناسی و وەشوینی کەفت کە وەبان ماتوڕسکیلیگ بوی لە کویچەی وەحدەت و دەسگیرکریا"وتیش "دوو کەس ترەیش ناسریا کە بەشدار بوینە لە تاوان کوشتنەگە و دەسگیرکریان".
لە لایگیش وەزارەت ناوخوەی راگەیان، کەسیگ وە تاوان کوشتن دەسگیرکریاس وەرد چوارکەس ترەک کە دەسدیرن لە تاوانەگە، لەناوچەی ئەعزەمیەی بەغداد.
قسەکەر فەرمیوەزارەت ناوخوەی و شانەی راگەیان ئەمنی عەمید موقداد میری لە بەیاننامەیگ رەسیە ئاژانس شەفەق نیوز وت، "فەرماندەیی پۆلیس بەغداد رەسافە وە هاوکاری وەرد دەزگای ئەمنی نیشتیمانی ئەنجامدەر تاوانیگ کوشتن دەسگیرکردن لت ناوچەی ئەعزەمیە وەرد چوار توومەتبار ترەک کە پەیوەنی وە رویداوەگە دیرن".
وتیش "لە دویای ساعەتەیل کەمیگ لە تاوانەگە دەسگیرکریان کە بکوشەگە تەقەلای دەرچگن ئەرا دەێشت وڵات دایە، هەمیش چەک جویراوجویر وەپیان گیریایە".