شەفەق نیوز/ وەڕێوەبەرایەتی پۆلیس پارێزگای سلێمانی، ئمڕوو پەنجشەممە، خەوەردا لە دەسگیرکردن کەسیگ وە توومەت دزیکردن لە سندوق بەخشینەیل کارەیل خێرخوازی لەناو شمارە مزگەفتیگ لە هەرێم کوردستان.
وەڕێوەبەرایەتیەگە لە بەیاناامەیگ وت، لە دویای ئەوەگ دزی لە سندوقەیل خێرخوازی ناو مزگەفتەیل سلێمانی کریا هێزەیل پۆلیس دەسکردنە وە لێکۆڵینەوە لە باوەتەگە و چەودێریکردن مزگەفتەیل،لە کۆتایی توەنستنە توومەتبارەگە دەسگیربکرێد لە مەوقەی دزیکردن وەلایەن مەفرەزەی نویسینگەی دژە تاوانەیل ناوچەی "ئیبراهیم ئەحمەد".
لە بەیانامەگە دیاریکرد، توومەتبارەگە ناوی (ب، ل، ع) لەداڵگبوی ساڵ 2003 وەپای مادەی 446 لە یاسای سزادان عراقی دەسگیرکریا، لە لێکۆڵینەوە دان وە ردەوەگەی دانایە کە دزی لە سندوقەیل خێرخوازی شمارەیگ مزگەفت کردیە لە سلێمانی و هەولێر.