شەفەق نیوز/ ماڵپەڕە ناودەوڵەتییە تایبەتمەنەیل لە چەودیاریکردن گەشتیاری لە جیهان مەزەنە کردن کە شمارەی گەشتیارەیل ناودەوڵەتی جیهانی لە ساڵ 2024د بڕەسێدە ئاست وەرجە پەتاگە، یەیش لەوەر خواستیگ کەڵەکەبوی لە سەردەم پەتاگە. بەڵام خاسەوبوین کەرت هامشوو و گەشتوگوزار لە سەرەتای دیاردان پەتای کۆرۆناو وەبی سەختی نەویە.
راپۆرتەگەی ویفۆرم کە کۆمپانیای ئەلعەرەبیە بزنس وەدویای چگە، مەزەنە کەێد ئی ززرەیلە لە ساڵەیل ئایندە گەورەتر و پەرەسەنین داشتوون و وەگەر گەشەکردن تەکنەلۆژیا دیجیتاڵی و زیرەکی دەسکرد، هاتێ پیشەسازی گەشتیاری ناچار بکەن وەگەردی بگونجێد.
بەشیگ لە ئابوورییەیل لە بەشیک ترەک خاسترن ئەرا ئەنجامدان ئی ئاڵشتکاریە و وەڵامدان مەترسییەیل هاتگ و دڵنیابوین لەوە کە گەشت و گوزار و گەشتیاری بزوێنەر گەشەسەنین و خوەشگوزەرانی ئابوورییە.
وە هویرە، پێوەرەیل گەشەپیدان گەشتیاری (TTDI) کۆڕبەن ئابووری جیهانی ئامانجیە جویر پێوەریگ ئەرا لایەنە پەیوەندیدارەیل ئەرا پەیمانەکردن پیشکەفتنەیل، رینماییکردن بڕیار و سیاسەتەیل، و گاڵداین گەشەی وەردەوام و دەێد.
خاسەوبوین تێکەڵا لە رەوش سەختی
وەگورەی پۆلێنکردن پێوەرەیل ساڵ 2023، ئەوروپا لە لیست 10 ئابوورییە سەرەکییەیل پێوەرەیل گەشەپیدان گەشتیاری (T&T) زاڵە، هەرچەن ئەمریکا پلەی یەکەم رفانیە.
بەڵام ئەوەیش نشان دەێد کە لە وەختیگ 71 لە بڕ 119 ئابووری کە رزبەندی کردگە، دەرئەنجامیان لە ناوەین ساڵەیل 2019 تا 2023 خاسار کردگە، بەڵام پیشکەفتنەگە تەنیا 0.7% لە ئاست وەرجە پەتاگە زیاترە.
لە لاییەگەو خاسەوبوین گەشت و گەشتیاری هاووەخت بویە وەرد بەرزبوین توانا و پەیوەندییەیل هامشوو ئاسمانی جیهانی و خاستربوین وازەوبوین ناودەوڵەتی و زیاکردن بەرهەمهاوردن لە سەرچەوە سروشتی و کولتوورییەیل کە گەشتیاری بەێدە نوا، لە لەلاییگ ترەک، خواست بیجگە وەخت وەسەربردن هیمان لە دویاکەفتنە، کەمیی وەردەوامی هاز کار، توانای هامشوو ئاسمانی و پەیوەندیکردن هەس، بەرهەمهاوردن و سەرمایە کەفتیەسە کیچەڵ تا وەرۆ خواست بگونجێد.
یەبش بویەسە مدوو ناهاوسەنگی لە ناوەین دابینکردن و خواست، وەگەرد زوورەیل هەڵاوسان، کە لە ئەنجام توانای کێبڕکێی نرخەیل کەمەو بویە و خزمەتگوزارییەیل پڕیانە.
ئەوروپا و ناوچەی ئاسیا و زەریای ئارام لەبارترین رەوشیان هەس
لە ناوەین 30 وڵات سەرەکی لە TTDI لە ساڵ 2023، 26 وڵات خاوەن داهات بەرزن. 19 لەوانە لە ئەوروپان، 7یان لە ئاسیا و زەریای ئارام.
ئی وڵاتەیلە سوودمەنن لە ژینگەی بازرگانی لەبار و بازاڕ کار، سیاسەت گەشە کریاگ، وەرگردن تەکنەلۆژیای پیشکەفتگ، ژیرخان هامشوو و گەشتیاری نایاب، و سەرنجڕاکێش دەوڵەمەنی سروشتی و کولتووری..
لە ئەنجام ئی گرووپە لە 30 وڵات پێکهاتگە، زیاتر لە سێ لەبان چوار بەرهەم ناوخۆیی پیشەسازی و گەشتیاری لە ساڵ 2022 دیرن، و 70% گەشەی بەرهەم ناوخۆیی لە ناوەین ساڵەیل 2020 تا 2022.
پیشکەفتن لە بوارەیل نەرمی و یەکسانی خوازیاگە
توانای گەشەسەنین کەرت گەشتیاری وە مدوو ئاستەنگەیل جویر تونی بازاڕ کار، زیایبوین سنووردارکردن دارایی و نیگەرانییەیل لە ێەوس تەندروسی و ئەمنی سنووردارە. نەرمی بازاڕ کار بوودە مدوو گرنگی زیاتر وەی کەرتە، بەڵام پرسەیلیگ جویر هەل کاریگ یەکسان، ماف کار و مقیتیکردن کۆمەڵایەتی فرەیگ لە ئابوورییەیل – زو تایبەت ئابوورییە کەم داهات و مامناوەندەیل – لەی بوارە گرنەو.
لیست ئەو وڵاتەیل پیشکەفتیترین نیشانەیل هامشوو و گەشتیاری دیرن
1. ئەمریکا
2. ئیسپانیا
3. ژاپۆن
4. فەرەنسا
5. ئوسترالیا
6. ئەڵمانیا
7. بەریتانیا
8. چین
9. ئیتاڵیا
10. سویسرا.