ژنێکی تەمەن 25 ساڵ لەگوندی مەقامی سەربە شارەدێی ریازی قەزای حەویجە بەهۆی توشبوون بەتای خوێنبەربوون گیانیلەدەستدا. بەڕێوەبەرایەتیی ڤێتێرنەری کەرکوک بڵاویکردەوە، دوای رەوانەکردنی پشکنینەکانی ئەو ژنە بۆ تاقیگەی گشتیی بەغداد، دەرکەوت بەهۆی تای خوێنبەربوونەوە گیانیلەدەستداوە. ئاماژەی بەوەشکرد، دوای تۆمارکردنی حاڵەتەکە، تیمەکانمان دەستیانکردوە بە رشاندنی دەرمان لەگوندەکە و ئەنجامدانی پشکنین بۆ ئەو کەسانەی بەرکەوتنیان لەگەڵ ئەو ژنە هەبووە.