شەفەق نیوز/ ئمڕوو یەکشەممە تەرمیگ لەناو کیسەیگ پەیاکریا لە یەکیگ لەناوچەیل خوەرهەڵات بەغداد.
سەرچەوەیگ ئەمنی وە ئاژانس شەفەق نیوز وت؛ هاوڵاتیەیل خەوەردانە لە کیسیگ گوماناوی، هەنای وازیکردن دەرچگە تەرم دویەتیگ (20) ساڵانە ئاسەوار سزیان هالەقیەو.
دیاریکرد، هێزە ئەمنیەیل تەرمەگە بەرزەوکردن و ئەرا پزیشک دادوەری کلیکردنە ئەرا ناسین و رادەسکردن وە کەسوکاری، لێکۆڵینەوە لە رویداوەگە وازکریا.