شەفەق نیوز/ دوو سەرچەوەی ئەمنی، ئمڕوو یەکشەممە، خەوەردان لە خنکیان دوو گەنج مەوقەی مەلوانیکردن لە چەم، و دەسکیرکردن سێ کەس وەگەرد یەکیگ لە خنکیایەیل بوین، لە دوو رویداو جیاجیا لە بەغداد پایتەخت و پارێزگای دیالە.
یەکیگ لە سەرچەوەیل ئەرا ئاژانس شەفەق نیوز وت: پولیس ئاوی تەرم گەنجیگ لەداڵگبوی 2006 لە چەم خاڵس وە خنکیای دراورد.
لە بەغداد، سەرچەوەیگ ترەک ئەرا ئاژانسمان وت: گەنجیگ لەناو چەم دیجلە نزیک قاوەخانەی بەیرووتی ناوڕاس بەغداد پایتەخت خنکیا، و تیمەیل تەقەلای دراوردن تەرمەگەی دەن.
سەرچەوەگە وتیش: سێ کەس دەسگیر کریان کە وەگەرد ئەو گەنجە بوینە کە خنکیا، گومان لەبانیان هەس، و لێکۆڵینەوە وەردیان کەن.