هەولێر-KDP.info- وه‌زیری ده‌ره‌وه‌ی ئه‌مه‌ریكا، مایك پۆمپیۆ، رایگه‌یاند، داوا له حكومه‌تی عێراق ده‌كه‌ین، داوای گه‌لی عێراق جێبه‌جێ بكات.
مایك پۆمپیۆ وەزیری دەرەوەی ئەمریكا لە میانی كۆنگرەیەكی رۆژنامەوانیدا ڕایگەیاند: وڵاتەكەی پشتیوانی لە مستەفا كازمی سەرۆك وەزیرانی ڕاسپێردراوی عیراق دەكات و گەلی عیراقیش شیاوی حكومەتێكە كە لە دەستوەردانی دەرەكى ڕزگاریی بكات، داواشی لە سەركردە عیراقییەكان كرد لەنێوخۆیاندا بۆ پێكهێنانی حكومەت ڕێبكەون و واز لە پشكداریی تایەفەگەریی بهێنن.
وەزیری دەرەوەی ئەمریكا داوای له حكوومه‌تی عێراق كرد داواكانی گه‌لی عێراق جێبه‌جێ بكات، جڵەوی ئەو گروپە چەكدارانە بخاتە ژێردەستی خۆی و ڕێگە نه‌درێت ئاسایش و سەقامگیریی ناوخۆ پشێوێنن.