شەفەق نیوز/ لە ئمڕوو شەممەو، عراق چوودە ناو ئەو گەرمیە کە وەرجەیە پسپۆڕەیل خۆی باسی کردن، کە هاتێ نزیکەی 10 رووژ بکیشێد، یەیش لە وەختیگ چەوەڕی کریەێد پلەی گەرمی "میژوویی" توومار بکەێد، کە لە ئاستیگ وەرجەیە لە مانگ حوزەیران توومار نەکریاس.
وەگەرد جەژن قوربان، شەپوولیگ گەرمی سەخت کاریگەری لەبان عراق بوود لە یەکەم رووژ جەژنەو و لە کۆتایی جەژن و دویای جەژن تونترەو بوود تا 52 پلە و هاتی لە ناوچە گەورەیل ناوڕاس و باشوور عراق بڕەسێدە 53 پلەی سەدی، و وەردەوام بوود تا رووژ 24 حوزەیران، کەکەم داوەزێد، و هاتی شارەیل وڵاتەگە پلەیل گەرمی تووماربکەن کە وەرجەیە لە مانگ حوزەیران توومار نەکریاس.
لە وەختیگ شەپوول گەرمی ئمڕوو شەممە دەسوەپی کەێد، وەگەرد هاتن جەژن قوربان، لە بەسرە، زیقار، میسان، بەغدا، موسەننا، نەجەف، کەربەلا، بابل، دیوانیە، واست، دیالە و سەڵاحەدین لە 51 پلەی سەدی رەد کەێد.
پلەیل گەرمی لە فرەی شارەیل باکوور بەرزەو بوود، و لە هەولێر و کەرکوک لە ناوەین 45 اا 46 پلەی سەدی، پارچە وای گەرم لەبان ناوچەیل خوەرئاوا زاڵ بوود و پلەی گەرم لە 50 پلە نزیکەو بوود.
شارەزایل هووشداری دەنە هاووڵاتیەیل نە نەکفنە ژیر تیشک خوەر لە نیمەڕو چوینکە ریژەی تیشک ئەوبان وەنەوشەیی لەی رووژەیل بانانە فرە بەرزەو بوود.