فرووشەیل بانک ناوەندی عراق رەسیە زیاتر لە یەک ملیار دۆلار وەماوەی یەک هەفتە

شەفەق نیوز/ بڕ گشتی فرووش دراو بانک ناوەندی عراق وە دۆلار ئەمریکی کە هەفتەی گوزەشتە زیایکردنەگە وەپی وازکرد زیاتر لە یەک ملیار دۆلار بویە.

 پەیامنێر ئاژانس شەفەق نیوز وت: بانک ناوەندی لە ماوەی هەفتەی گوزەشتە و ئەرا ئەو 5 رووژە کە زیایکردنەگە لەناوی واز بوی یەک ملیار و 378 ملیۆن و 885 هەزار و 407 دۆلار فرووشتگە، وە ریژەی رووژانە 275 ملیۆن و 777 هەزار و 81 دۆلار، زیاترە لەوەگ هەفتەی گوزەشتە تووماری کردوێد، کە یەک ملیار و 115 ملیۆن و 909 هەزار و 967 دۆلار بوی.

 بەرزترین فرووش دۆلار لە رووژ چوارشەممە بویە، کە فرووشی 280 ملیۆن و 112 هەزار و 188 دۆلار بویە، لە وەختیگ کەمترین فرووش رووژ یەکشەممە بویە، کە 

 269 ملیۆن و 320 هەزار و 104 دۆلار بویە.

 پەیامنێرمان وتیش: فرووش حەواڵەی دەرەکی لە ماوەی هەفتەی گوزەشتە یەک ملیار و 264 ملیۆن و 25 هەزار و 407 دۆلار بویە، کە وە بەراورد وە فرووش کاش وە ریژەی 91% زیاییکردکە، کە 114 ملیۆن و 860 هەزار دۆلار بویە.

پەیامنێرمان ئاشکرا کرد کە ئەو فرووشەیلە وە شیوەی پویل نەختینە و هەوڵەس دەیشت وڵات ئەرا دابینکردن دارایی بازرگانی دەرەکی بویە، و نرخ فرووشتن کرێدیت دۆکیۆمێنتاری و یەکلاییکردن ناودەوڵەتی وە کارت ئەلیکترۆنی رەسیە هەزار و 310 دینار ئەرا هەر دۆلاریگ، و نرخ فرووشتن حەواڵە ئەرا دەیشت وڵات 1310 دینار بویە ئەرا هەر دۆلاریگ، لە وەختیگ نرخ فرووشتن کاش رەسیە هەزار و 305 دینار ئەرا هەر دۆلاریگ.