شەفەق نیوز/ پسپۆڕ کەشناسی عەلی جابر زیادی، ئمڕوو جمعە، مەزەنەی داوەزیان گەورەیگ لە پلەی گەرمی کرد، لە ناوڕاس هەفتەی ئایندە دەسوەپی کەێد، و تا چەن رووژیگ وەردەوامە، تا وەگەردی کەشوهەوای تاوسانی گونجیاگ لە ناوچە و شارەیل عراق گلەو بخوەێد.
جابر زیادی ئەرا ئاژانس شەفەق نیوز وت: مزگانی وە کەمەوبوین گەرمی یەواشیگ ئەرا رووژ یەکشەممەی ئایندە لە ناوڕاس و خوەرئاوای وڵاتەگە دەیمن.
هەمیش باس هاتن پارچە وایگ کرد گەرمیەگە لە رووژ دووشەممەو شکنێد، وەگەرد داوەزیان گەرمی وە پەنج پلەی سەدی، و توومارکردن ریژەی 44 پلەی سەدی لە بەغداد پایتەخت و پارێزگایل ناوڕاس، و لە باشوور کەمیگ بەرزتر، و لە رووژ سێشەممەو، بەسرە و میسان کەفێدە گاریگەری پارچە واگە.
زیادی وتیش: کەشوهەوا ئەرا تاوسانی ئاسایی گلەو خوەێد، و پلەی گەرمی لە رووژانە خاسەو بوود، و هاتێ تا چەن رووژیگ وەردەوام بوود.
هەمیش وت: رووژ شەممە، شەپوول گەرمی رەسێدە لویتکە، و هاتێ 50 پلەی سەدی لە فورات ناوڕاس و بەغدا توومار بکەێد.