شەفەق نیوز/ تیمیگ لە جیوڵۆجیکارەیل لە مەوقەی هەڵکەنین لەو یەخ گەپە خوەرئاوای جەمسەر باشوور "ئەنتاركتيكا" جیماگەی چەم کوینەیگ پەیا کردن وەرجە مەلیۆنا ساڵ بوبەسەی، کە نزیکەی 1500 کیلۆمەتر درویژە.
ئی پەیاکردنە بەشیک لە میژوو زەوی نشان دەێد و شیوەی ئاڵشتبوین کەشوهەوا.
گۆڤار Science Advances، باس ئەو تیمە لە پەیمانگەی ئەلفرێد فیگنەر کرد کە لە بەڵگەی سیستەم چەمیگ کوینە لە نموونەیل بن دەریای ئەموندسن رەسینە ئەو ئەنجامە.
نشان دەێد کە ئانتارکتیکا کەشوهەوای گونجیاگ داشتگە وەرجە نزیکەی 34 ملیۆن ساڵ، کە دارسانەیل و چەمەیل فرەیگ لەناوی بویە.
ئانتارکتیکا لەو وەختە جەمسەریگ تەنیا نەویە نا نزیکەی 100 ملیۆن ساڵیش بەشیگ بویە لە جەمسەریگ فرە گەورە وەناو گوندوانا، و وەرەو باشوور جویلە کردگە و بویەسە جەمسەریگ جیا.
مەزەنە کریەێد ئی سیستم چەمە کە پەیا کریاس پارچە سەنگ کویەیل لە شوینیگ ترەک ئەرا 1500 کیلۆمەتر بردیە تا لە دەریای ئەموندسن بنەو گردیە، کە وەی نموونەیلو زانستن هن شوینیگ دویرە و لەورەو چەمیگ هاوردەیەسەی.