شەفەق نیوز/ ئمڕوو یەکشەممە، وەزارەت ژینگە بڕیگ رینمایی هوشیاری بڵاو کرد، تا ئەو رینمایەیل گرنگە مقیەتی لە هشکەوبوین پووس و سزیان هەەر لە رووژە گەرمەیل، کە وەس شیوەن:
1- لەوەرکردن پڕتاڵ رەنگ کاڵ و سووک کە خاس لەش بپووشێد.
2-وەکارهاوردن دژەخوەر کە پلەی مقیەتیکردن بەرزیگ داشتوود.
3- دویرکەفتن لە ژیر تیشک خوەر لە گەرمترین ماوە.
4. نووسین ئاو تا ئاو لە لەش بمینێد.
5-دویرکەفتن لە چگن ئەرا دەیشت لە گەرمترین مەوقەیل رووژ.
6- داناین چەویلکەی خوەر و کڵاو و هەڵگردن چەتر، یەیش دەسمیەتی لە کەمکردن کاریگەری بەرزەوبوین پلەی گەرمی دەێد.
7-وەکارهاوردن ئاو و وزەی کارەبا وە پەتی مەیە چوینکە زیای خەرجکردن بوودە زیان و کەمی ئەرا کەسەیل تر.
8- زیایکردن دارستان و پانتایی سەوزایی وەردەوام.
وەزارەتەگە لە بەیاننامەیگ دووپات کرد کە ئی ڕینماییەیلە توەنن دەسمیەتیی لە ریگریکردن لە کاریگەرییە زیانبەخشەیل تیشک خوەر بیەن.
جیباسە کە وەگەرد هاتن وەرز تاوسان پلەی گەرما لە ناوچە و شارەیل عراق دەس وە بەرزبوین کرد، جاروبار مەوقەی رووژ پلەی گەرما لە 50 پلە رەد کەێد.