شەفەق نیوز/ شارەزای کەشناسی واسق سەلامی، ئمڕوو یەکشەممە، مەزەنە کرد کەشوهەوا ئاڵشتبوینیگ وەخوەی بوینێد، و گەرمیەگە داوەزێد، و کۆتایی وەی شەپوول گەرمیە باێد کە لەی رووژەیلە وڵاتەگە گردیەسەو.
سەلامی لە وتاریگ رەسیە ئاژانس شەفەق نیوز وت: گوڵەم بانین دەسمیەتی دەێد تا ئومیدیگ وەگەرد خوەی بارێد وەگەرد سەرەتای داوەزیان پلەی گەرمی.
سەلامی دیاری کرد کە پارچە وای هوونکیگ کاریگەری لەبان ناوچەیل باکوور و خوەرئاوای وڵاتەگە لە رووژ ئمڕوو دیرێد، و کاریگەریی رەسێدە ناوچەیل ناوڕاس و فورات ناوڕاس ئەرا سوو دووشەممە، و کاریگەریی لە ناوچەی باشوور کەمتر دیار دەێد.
وتیش؛ ئی پارچەی وا، ئەوەسا دەسمیەتی دەێد لە داوەزیان پلەی گەرمی ئەرا نزیکەی 5 پلەی سەدی، و گەرمیە سەختەگە سووکەو کەێد.
سەلامی باس مەزەنەی نمە وارانیگ لە شارەیل باکوور ئەرا ئمڕوو کرد، کە ئەوەیش کەشەگە زیاتر هوونکەو کەێد.
جی باسە کە ئی ئاڵشتبوینە لە کەشوهەوا دویای ماوەیگ لە بەرزەوبوین پلەی گەرمی تیەێد کە خەڵکەگە شەکەت کردر و ئومیدیگ هەست ئی مەزەنەیلە سەرتای خاسەوبوین و ئارامی کەشوهەوا بوود.