شەفەق نیوز/ خوەنەواریگ پۆل 12ی ئامادەیی، ئمڕوو یەکشەممە، وە رویداو هاتوچوی گیان لەدەسدا مەوقەی چگن ئەرا تاقیکردنەوەیل کۆتایی لە قەزای چەمچەماڵ لە پارێزگای سلێمانی، لەهەمان وەخت لە رویداویگ ترەک 3 کەس گیان لەدەسدان و زەخمداربوین لە زیقار باشوور وڵاتەگە.
قسەکەر وەڕێوەبەرایەتی پۆلیس چەمچەمال ملازم عومەر عەلی وە ئاژانس شەفەق نیوز وت " خوەنەواریگ تەمەن 22 ساڵان قۆناغ 12 ئامادەیی شەوەکی ئمڕوو گیان لەدەسدا، وە رویداو هاتوچوی مەوقەی چگن ئەرا تاقیکردنەوەیل کۆتایی لەبان ری ناوەین قەزای چەمچەمال و ناحیەی تەکیە".
شەوەکی ئمڕوو یەکشەممە، لە هەرێم کوردستان تاقیکردنەوەیل کۆتایی پۆلە کۆتاگان قۆناغ 12 ئامادەیی ئەرا ساڵ خوەنین 2023 - 2024 دەسوەپیکرد وە بەشداریکردن زیاتر لەم 122 هەزار خوەنەوار لە هەردووگ رەگەز.
سەرچەوەیگ ئەمنی لە پارێزگای زیقار وە ئاژانس شەفەق نیوز وت، "رویداویگ هاتوچو لەبان ری گشتی ناوەین زیقار بەسڕە نزیک سەێد خزر رویدایە، لە ئەنجام پلیان ماشینیگ لە جویر جی ئێم سی، ریداوەگە بویە مدوو گیان لەدەسدان دوو کەس و زەخمداری کەسیگ ترەک".
سەرچەوەگە وتیش "هێزەیل ئەمنی ئاخڵەی شوین رویداوەگە دانە، ماشین فریاکەفتن تەرمەیلە ئەرا پزیشک دادوەری کلکردو زەخمدارەیلیش ئەرا چارەسرکردن بریانە خەستەخانە".