شه‌فه‌ق نيوز/ وه‌ريه‌وبه‌رايه‌تى هاتوچوو پاريزگاى سلێمانى، ئاشكراى داناين پلان كار كرد ئه‌را به‌شه‌يلى دوياى وه‌رده‌وامبوين ده‌زگايه‌يل حكومه‌ت له ده‌وام و هاتنه‌وه‌ى ژيان ئاسايى دوياى ته‌واوبوين قه‌يران كۆرۆنا و باس له‌وه‌يش كرد رووژانه پيشوازى له 750 فايل ئه‌كا.
له‌ى باوه‌ته‌و، هاتوچوو سلێمانى له به‌ياننامه‌يگ ئه‌را شه‌فه‌ق نيوز وت: ئمڕوو عميد فه‌ره‌يدون عومه‌ر وه‌ڕيه‌وبه‌ر وه‌ڕيه‌وبه‌رايه‌تى هاتوچوو سلێمانى دانيشتنيگ وه‌ل سه‌رۆك به‌شه‌يل وه‌ڕيه‌وبه‌رايه‌تيه‌گه ساز كردگه ئه‌را داناين پلان كار له حاڵه‌تيگ ئه‌گه‌ر ده‌زگايه‌يل حكومى ده‌وام فه‌رمى بكه‌ن.
به‌ياننامه‌گه هه‌ميش وت: ئاماده‌بويه‌يل بڕيار دانه له قوناغ يه‌كه‌م دوياى ده‌سوه‌پيكردنه‌وه‌ى ده‌وام له ده‌زگايه‌يل رووژنه 750 فايل معامله‌كردن هاووڵاتيه‌يل وه‌ربگيريه‌ێد له‌باره‌ى تازه‌كردنه‌وه‌ى سه‌نه‌ويه‌ى سه‌ياره و تۆماركردن سه‌ياره و تازه‌كردنه‌وه‌ى موڵه‌ت سايه‌قى و ته‌حويلكردن موڵكيه‌ت.