چوار ملیار دۆلار لە ماوەی مانگیگ.. بانک ناوەندی بڕ فرووش دۆلار ئاشکرا کەێد

شەفەق نیوز/ ئمڕوو یەکشەممە، فرووش بانک ناوەندی عراق لە زیایکردن دۆلار ئەمریکی لە ماوەی مانگ حوزەیران زیاتر لە 4 ملیار دۆلار بویە.

 پەیامنێر ئاژانس شەفەق نیوز وت: لە ماوەی مانگ حوزەیران، لەو رووژەیلە کە زیایکردن ئاشکرای خوەی ئەرا سەنین و فرووشتن دۆلار ئەمریکی واز کردیە، بانک ناوەندی 4 ملیار و 438 ملیۆن و 744 هەزار و 273 دۆلار فرووشتیە، ەە ریژەی رووژانەی 100 دۆلار 295 ملیۆن و 916 هەزار و 284 دۆلار.

 وتیش: فرووش هەواڵەی دەرەکی لە مانگ گوزەشتە 4 ملیار و 50 ملیۆن و 289 هەزار و 273 دۆلار بویە، کە وە بەراورد وە فرووش کاش وە ریژەی 90% زیاییکردگە، کە بڕ 388 ملیۆن و 455 هەزار دۆلار بویە.

پەیامنێر ئاژانسەمان وتیش: “ئی فرووشەیلە لەناوەین هەواڵەی دەرەوەی وڵات ئەرا دابینکردن دارایی بازرگانی دەرەکی بەشەو کریان، و لەناوەین فرووشتن کاش ئەرا بانکەیل، و نرخی فرووشتن کرێدیتی بەڵگەنامەیی و یەکلاکردن ناودەوڵەتی ئەرا کارت ئەلیکترۆنی رەسیەسە هەزار و 310 دینار ئەرا هەر دۆلاریگ، لە وەختیگ نرخی فرووشتن دۆلار هەواڵەکردن ئەرا دەیشت وڵات و نرخ فرووشتن کاش ئەرا هەر دۆلاریگ 1305 دینار بویە”.