شەفەق نیوز/ کەشناس واسق سەلامی، ئمڕوو پەنجشەممە، مەزەنەکەێد لە پاشەکشێ کردن بارستە وای گەرم و گلەوخواردن کەشوهەوای تاوسانەی ئاساییگ لە وڵاتەگە لە سەرەتای هەفتەی ئایندە.
سەلامی لە پۆستیگ لەبان تووڕ کۆمەڵایەتی راگەیان، "سوو جومعە سەتایگە ئەرا کۆتایهاتن وە بارستە گەرمی ناو کەشوهەوای وڵاتەگە وە شیوەی کەمکەم، دەسکەێدە پێ وە ئاڵشتبوین وا ئەرا باکوور خوەرئاوا، رێژەی چام داوەزێد، و کەشوهەوا بی دەنگەوبوود وەگەرد وەردەوام بوین کەشوهەوای گەرمیگ لە نیمەڕوان"..
وتیش، "پالەپەستۆی بەرز کەمیگ داوەزێد لەوەر هاتن باکوور خوەرهەڵاتی، لەدویایش دەسکەێدە داوەزیان پلەی گەرمی لە رووژ شەممە وە دویاوە و وە جویریگ کەشوهەوای تاوسانەی ئاسایی گلەوخوەد".