شەفەق نیوز/ ئیمیلی ئۆدیا کاسترا خانمە وەزیر وەرزشی فەرەنسا، ئمڕوو شەممە، لە چەم سێن مەلەوانی کرد، کەمتر لە دوو هەفتە وەرجە دەسکردن وە یارییەیل ئۆڵۆمپیاد پاریس 2024.
ئەلێکسیس هانکوینکانت کە یەکیگە لە پەرچەم هەڵگرەیل شاند فەرەنسا ئەرا پارا ئۆڵۆمپیاد وەگەردی بوی.
ئۆدیا کاستێرا بویە یەکەم کەسایەتی سیاسی کە لە چەمەگە مەلەوانی بکەێد، کە چەن جاریگ خولیگ لە ناوەین پیەڵ ئەلێکساندەر سێیەم و کۆمەڵگەی ئینڤالیدز وە مەلەوانی گەردی.
کارەگەی دویای پەیمانەیل ئان هیدالگۆ، سەرۆک شارەوانی پاریس و ئیمانوێل ماکرۆن سەرۆک فەرەنسا هات کە ئەوانیش لە چەم سین مەلە بکەن تا وەرجە بازیەیل ئۆڵۆمپیاد 2024 کوالیتی ئاوەگە نیشان بیەن.
مەلەکردنەگەی خانمە وەزیر وەرزش جویر نشانەیگ هیمایی بوی ئەرا خستن رووشنایی وەبان ئەو گامەیلە کە ئەرا پاکەوکردن چەمەگە جیوەجی کریان، کە لە زویەو پەیوەندی وە پیسبوین دیرێد.
رێکخەرەیل پاریس 2024 ئامانج دانانە کە ئۆڵۆمپیاد پاریس بکەنە وەردەوامترین ئۆڵۆمپیاد لە میژوو و تەقەلا ئەرا خاسترکردن ژینگە بەشیگ سەرەکی ئی تەما بویە.