شه‌فه‌ق نيوز/ وه‌رپرسيگ ناوچه‌يى ئاشكراى دوينستنه‌وه‌ى ته‌رم مناڵيگ 11 ساڵان كرد ك وه‌شيوه‌يگ دڕندانه كوشياگه له‌ناو مزگفتيگ له ناحيى زوممار له باكوور خوه‌رئاواى شار موسڵ پايته‌خت ناوچه‌يى پاريزگاى نه‌ينه‌وا.
له‌ى باوه‌ته‌و، ئه‌حمه‌د جه‌عفه‌ر وه‌ڕيه‌وبه‌ر ناحيه‌گه له لێدوانيگ ئه‌را شه‌فه‌ق نيوز وت: مناڵ له سه‌عات 11ى شه‌و له ماڵ ده‌رچيه له كۆمه‌ڵگه‌ى دۆميز ئه‌را ئه‌وه‌گ بڕيگ هه‌وه‌جه‌ى له دوكانيگ نزيك بسينێد، دى ناته‌سه‌و.
كه‌س وكار مناڵه‌گه كه‌فتوينه گه‌ردين له شوون مناڵه‌گه‌يان و باس له‌وه كردنه مناڵه‌گه‌يان وه كوشياگى دينه‌سه‌و له‌ناو مزگفتيگ چووڵ له كۆمه‌ڵگايگ نيشته‌جى.
جى باسه، جه‌عفه‌ر ئه‌و رويداگه وه رويداگيگ تيرۆريستى دوير زانست و وت: پيشبينى ئه‌كه‌يم ئى تاوانيگه ئه‌نجام درياگه، هه‌روه‌و خاتريشه پۆليس ده‌سكرده په‌يجوورى ئه‌را ده‌رخستن راسيه‌يل كه‌فتنه‌وه‌ى ئه‌و رويداگه.